DILI, STLTIMORLESTE.com – Bazeia ba kalendariu nasional edukasaun, eskola hotu-hotu sei hahu fali re-inskrisaun ba estudantes foun iha loron 05 fulan nee.
Haktuir Diretor Eskola Sekundáriu Téknika Vokasional ba Indústria no Teknólojia (ESTV-IT) 28 de Novembro Becora-Díli, Tomas Pinto ba jornalista STL liu husi telefone, Sabadu nee (03/01/2026).
“Hau hanoin bazeia ba kalendariu nasional edukasaun nian, eskola hotu-hotu sei hahú fali re-inskrisaun iha dia 5 Janeiru 2026. Tuir komisaun organizadora ba simu estudantes foun sei hahú simu estudantes foun iha dia 5-7 Janeiru 2026, no dia 8-9 Janeiru 2026,” nia haktuir.
Tomas dehan, husi parte eskola sei teste no dia 10 Janeiru sei enkontru ho inan aman ka responsabilidade estudantes sira relasiona ho uniformidade ba estudantes foun no regras/regulamentu.
“Ita presiza halo enkontru ho inan aman estudantes sira nian para ita bele koalia kona-ba regulamentu no uniforme eskola nian ba inan aman sira, atu nunee sira bele hatene kona-ba asuntu sira neebe ohin mensiona,” nia dehan.
Jornalista: Jacinta Sequeira
Editor: Xisto Mendonça
