DILI, STLTIMORLESTE.com – Refleksaun ba loron Tersa (04/11/2025) leitura husi Roma sublina kona-ba unidade husi kristu nia isin.
Padre Ricardo Pasang SVD liu husi nia refleksaun iha Tersa (04/11/2025) hatete, ohin igreja katolika selebra XXXI memoria Saun Carlos Barromeu, no reflesaun ohin bazeia ba leitura husi Roma sublina konaba unidade husi Kristu nia isin.
“Iha loron 4 Novembru 2025, sarani Katolika sira sei komemora XXXI no Memorial Saun Carlos Borromeo, Bispu no Konfesor, ho kor liturjiku mutin. Reflesaun loroloron nian sei bazeia ba leitura husi Roma 12:5-16a, neebe sublina unidade husi Kristu nia isin, uza prezente sira ho ksolok, no domin maun-alin nian, no mos Evanjellu husi Lucas 14:15-24,” dehan Padre Richardo.
Nia hatete, memorial Saun Carlos Borromeu nian, Bispu no Konfesor. Primeira Leitura: Roma 12:5-16a, neebe sublina hadomi malu iha Kristu no uza don sira atu serbí. Evanjellu: Lucas 14:15-24.
Padre hatete, dala barak konvite husi Maromak nia ba ema maibe ema rejeita, tanba haree liu ba sasan mundu nia, duke moris tuir Maromak nia hakarak no lakohi prepara aan bainhira mate, tanba nee Padre husu ema idak idak presiza hakribi sala no husu perdua ba sala neebe halo ona hodi moris tuir ukun fuan Maromak nia.
“Bankete boot neebe Maromak prepara no konvida ita hotu atu mai, maibe tanba razaun mundu nia barak, ita rejeita Maromak nia konvite, Loos duni, iha loron-domingu ka atividade relijioza sira seluk, dala barak ita hetan deskulpa atu la tuir, Razaun mundu sira importante liu duke moris depois mate,” katak nia.
Bibia atan Kreda Katolika nee dehan, Nai nia han-kalan mak tempu ida atu harii fraternidade no serbí malu maibe dala barak ema barak lakohi tuir.
Padre haktuir tan, konvite husi Maromak nia moris tuir dalan unidade, Franternidade serbi malu iha familia no sosiedade maibe dala barak ema uza riku soin mundu nia hodi lahaluha tuir konvite neebe Maromak fo ba ema idak idak.
Tanba nee Padre husu ema idak idak bele simu konvite husi Maromak nia nunee moris tuir dalan los no prepara aan ho diak, tanba sasan mundu nia provizoria deit iha mundu maibe isin no klamar mak importante bainhira ema idak idak fila fali ba Nain nia kadunan Santo Rohan laek, tanba iha familia no sosiedade presiza moris iha unidade, hakmatek moris iha fraternidade nia laran.
Jornalista: Emerenciana Pinto
Editora: Domingas Gomes
