DILI, STLTIMORLESTE.com – Eskola Sekundáriu Jeral 10 Dezembru Komoro iha ninia regras rasik, hodi halo kontrolu ba estudantes sira.
Diretor Eskola Sekundariu Jeral 10 Dezembru Komoro, Manuel Verdial dehan, estudantes nivel sekundariu nee tama meudia, tanba dader estudantes ensinu baziku sira mak sei uza. Nee duni antes meudia nee sira tenke too ona iha resintus eskola nian, para bele prepara aan ba ensinu aprendizajen husi profesores sira.
“Ami iha regras, ami nian regras nee mak sei kontrola estudante. Sekuandu mai tarde nee sira falta, entaun tenke kumpri regras nee,” dehan nia ba jornalista STL iha niak naar fatin Komoro, Kinta (14/08/2025).
Manuel dehan, bainhira ensinu aprendizajen lao, Adjuntu Diretor mos kontrola profesores sira neebe mak halao aprendizajen iha sala de aula, tanba regras ida ba estudantes sira nee importante tebes, se lae sira tama eskola tuir sira nian hakarak.
Nia hatutan, estudantes nee tama meudia, nee duni antes estudantes ensinu baziku sira sai, sira sekundariu nee tenke mai uluk ona, para bele partisipa iha ensinu aprendizajen. Laos loron-loron mai eskola tarde hela deit, nee labele.
(jac)
