DILI, STLTIMORLESTE.com – Ministeriu Edukasaun (ME) sei halo rekrutamentu bolsa kandidatu profesores hamutuk 400 ba eskola Cafe no Katolika.
Diretor Nasional Rekursu Umanu iha ME, João Amaral dehan, injeralmente vaga ida nee loke ba iha públiku hanesan ho antes neebe mak sira loke ona vaga ba públiku. Area seluk mos bele konkore vaga ida nee, tanba dadaun nee ME sei nafatin servisu hamutuk ho dioseze sira, para bele haree asuntu ida nee.
“Ita rekruta tan bolsa kandidatu ba eskola katolika no eskola cafe, iha tempu badak nian laran ME sei halo rekrutamentu. Tanba agora ami sei halo servisu hamutuk hela ho dioseze sira, hodi hein sira nian Quadro pesoal neebe iha los ona, maka ami bele hahu loke ona vaga hamutuk 400. Husi numeru ida nee 200 ba eskola katolik no 200 ba eskola cafe,” afirma Joao ba STL, Segunda (05/01/2026).
Nunee mos Diretor Servisu Edukasaun Munisípiu Manatuto, Patricio da Cruz Quintao hatete, eskola nee sei menus professores. Tanba nee ME liu husi rekursu umanu nafatin halo rekrutamentu bolsa kandidatu profesores, para bele koloka ba eskola neebe sei presiza profesores.
Jornalista: Jacinta Sequeira
Editora: Domingas Gomes
2 Responses
Hau nudar professora da matematica hakarak tebes hanorin iha eskola refe
Hau interese Loos