DILI, STLTIMORLESTE.com – Renovasaun kargu no nomeasaun laos destina apenas substituisaun formal ba ema, tranzisaun nee iha ligasaun direta ba nesesidade atu hadia no hafoun dezempeñu instituisional.
Liafuan nee haktuir husi Visi Ministru Fortalesimentu Institusionál Saude, José dos Reis Magno, bainhira partisipa iha serimonia termu pose ba membru konsellu diretivu foun Institutu Nasional Saude Publika Timor-Leste (INSP-TL), neebe halao iha Salaun Palacio das Cinzas, Kaicoli, Tersa (13/01/2026).
Liu husi media Palasiu das Sincas neebe STL asesu Kuarta (14/01/2026) , Visi Ministru nee katak, renovasaun kargu no nomeasaun ba membru foun konsellu diretivu laos destina apenas substituisaun formal ba ema, tranzisaun nee iha ligasaun direta ba nesesidade atu hadia, hafoun dezempeñu instituisional, atu responde ho forma ida neebe efikaz liu ba nesesidade no expetativas sistema nasional saude hodi asegura prosesu ida kontinua kona-ba konstrusaun, aperfeisionamentu no modernizasaun INSP-TL nian.
Tuir nia, tanba INSP-TL, dezempena papel ida estratejiku no estruturante no laiha seluk neebe hamrik iha nia fatin iha fortalesementu sistema saude Timor-Leste, INSP-TL lidera iha area formasaun no kapasitasaun rekursu umanus ba saude, investigasaun sientifika iha saude publika no iha apoiu tekniku ba prestasaun kualidade servisu laboratoriais, Servisu sira nee esensial tebes atu garante diagnostikus fiáveis, vijilansia epidemiolojika neebe efikaz no respostas neebe mak atempada, koordenada no baze evidensia ba emerjensias saude publiku.
(dom)
