DILI, STLTIMORLESTE.com – Reprezentante Espesiál Austrália bá Greater Sunrise, Steve Bracks hasoru malu ho Primeiru Ministru (PM), Kay Rala Xanana Gusmão, hodi informa progresu dezenvolvimentu projetu Greater Sunrise.
Reprezentante espesiál nee informa, kompanhia Woodsite finaliza ona estudu ekonómiku no parte konsórsiu Woodsite, Osaka Gas no Timor Gap sei hatama relatóriu iha etapa tuir mai.
“Hau fó hatene bá Primeiru Ministru katak, Austrália prontu hodi apoia aselera projetu Greater Sunrise nian. Maibé, hau labele ko’alia detalhu liu no espera tempu badak sei iha deklarasaun ruma kona-ba ida née”, katak Steve Bracks, Reprezentante Espesial bá Greater Sunrise, iha Palásiu Governu, Kinta (21/11/2024).
Enkontru nee Primeiru Ministru akompanhadu husi Ministru Petróleu no Rekursu Minerál, Francisco da Costa Monteiro, Ministru Prezidénsia Konselhu Ministru, Agio Pereira.
(gui)
