DILI, STLTIMORLESTE.com – Reprezentante WHO iha Timor Leste (TL), Arvin Marthur Halo enkontru ho Prezidente Republika Jose Ramos Horta hodi diskute kona-ba Moras Rabies neebe oras nee hamate ona sidadaun TL, oinsa bele halo prevensaun sedu.
Reprezentante WHO iha Timor Leste, Arvin Marthur ba jornalista sira iha Palasiu Prezidensial Nikolao Lobato, Bairo Pite, Tersa (29/07/2025) hatete, hasoru malu ho Prezidente Republika hodi diskute konaba moras lahadaet iha TL.
Reprezentante WHO iha Timor Leste, Arvin hatete enkontru ho Prezidente Republika atu louva Timor Leste nia atenzimentu Malaria sientifika neebe foin dadauk simu ida nee hanesan atinzimentu boot ida ba povu no nasaun.
Nia mos fo obrigadu ba Prezidente Republika Jose Ramos Horta nia suporta no relata rekomedasaun atu nunee bele mantein nafatin livre husi malaria.
“Aleinde nee iha enkontru nee ami koalia mos konaba Moras Rabies neebe oras nee akontese iha rai laran, aumenta kazu mate iha tinan kotuk no agora iha juli hamutuk nain 4 ona mak mate,” katak Arvin.
Prezidente Republika Jose Ramos Horta mos preokupa ho kazu rabies neebe mak hamate ona sidadaun sira iha Timor Leste, tanba nee husu OMS serbisu hamutuk ho Ministeriu Saude atu bele suporta vasina ba kategoria 3 neebe tata husi asu.
Iha enkontru nee diskute kona-ba asembleia jeneral ONU nia neebe sei mai no sei koalia konaba moras lahadet no Prezidente Republika mos sei lidera iha Grupu nee, no iha eventu nee koalia ho lider sira koalia konaba moras lahadaet neebe akontese iha Timor Leste.
(eme)
