DILI, STLTIMORLESTE.com – Polisia Nasional Timor Leste (PNTL) liu husi Tránzitu Seguransa Rodaviariu Nasional kontribui reseita husi fronteira hamutuk US$ 185.956.00.
Diretor Tránzitu Seguransa Rodaviaria Nasional, Superintendente Xefe Polísia António Mauluta esplika, husi Janeiru too Outubru PNTL liu husi Tránzitu Seguransa Rodaviaria Nasionál kontribui reseita husi fronteira hamutuk US$ 185.956.00.
“Ita liga ba iha relatóriu neebe ita hetan husi postu 4 hanesan Postu entrada Batugade, Postu Mota-Masin, Postu Sakato no Postu Oesilo. Taxa husi postu 4 nee kontribui hahu Janeiru too Outobru arrekada hamutuk $185.956,” dehan nia ba jornalista sira iha Komandu Jerál PNTL Kaikoli, Tersa (02/12/2025).
Nia informa katak, Tranzitu Seguransa Rodaviaria Nasional rejista movimentu transporte neebe tama no sai iha fronteira hanesan kareta pezadu husi Janeiru too Outobru tama no sai hamutuk 6.164 karrus.
Jornalista: Jeniche da Costa
Editora: Domingas Gomes
