DILI, STLTIMORLESTE.com – Rikusoin mundu nee temporaria deit, bainhira mate sei la lori, importante mak hahi Maromak nia Gloria, moris tuir ukun fuan Maromak, nee mak valor boot liu.
Kestaun nee hatoo husi Padre Richardo Pasang, SVD liu husi nia reflesaun diaria katoliku, Sesta nee (08/11/2024) Semana XXXI do Tempu komum Flp. 3 : 17 – 4 : 1 Luc. 16 : 1 – 8.
Padre dehan, Saun Paulo iha primeira leitura haree katak ema balun hatudu ezemplu moris be sala. Ema sira nee hatudu moris tuir hakarak mundu nian duke moris tuir Maromak nia hakarak.
Saun Paulo dehan, sira nia Maromak mak sira nia kabun no sira nia gaba aan kona-ba buat neebe lo-loos halo sira moe. Sira hanoin deit kona-ba sasan mundu nee nian, Sira la preokupa ho sasan lalehan nian neebe bele nakfilak nia moris nabilan ho kmanek wain. Ho nunee, sira sai funu baluk Kristu nia krus.
“Maibe, Saun Paulo hanorin no hatudu moris lo-loos tuir Maromak nia hakarak katak, fiar ba kbiit Maromak nian neebe bele nakfilak ita nia aan sai oan Maromak nian oan naroman nian. Paulo hateten katak Filipos mak povo lalehan neebe moris iha mundu. Ema nia isin so temporaria tanba too tempo ida ita sei sai isin lalehan nakonu ho gloria. Evangelhu hatoo mai ita katak rikusoi bele sai bensaun ou grasa maibe mos bele sai malisan depende oinsa ita utiliza rikusoi sai instrumento atu fo satisfas ba hakarak isin nian (pesolmente) ou sai instrumentu atu servi ema seluk,” dehan Padre.
Padre afirma, tesureiro riku ida, ema respeita tebes maibe nia posisaun risku wainhira nia nain husu relatoriu orsamento. Tauk hasoru amiasa demisaun (pemecatan) nia kakutak joga, buka maneira oinsa atu bele hetan tulun kuandu nain hapara nia servisu. Ho nia matenek, nia loke emprestador sira nia fuan hodi hamenus sira nia osan debe. Husi mina atus ida sai lima nulu husi trigu karun atus ida sai ualu nulu.
Ho nunee, nia bele hetan funan empresta husi sira nia osan. Tesoreiro be la honestu nee apriende husi sala. Nia sakrifika buat neebe ninian no fo ema seluk atu bele manan, loron tuir mai. Nee mak Jesus hahi ema aat nee hodi kompara ho naroman sira nia oan.
Bibi Atan kreda katolika dehan, nee duni keta uza rikusoin ba ema nia interese pesoal maibe uza rikusoin ba ema barak nia diak liu husi ema nia servisu misionaria atu hahi Maromak nia gloria.
(eme)
