DILI, STLTIMORLESTE.com – Prezidente Autoridade Rejiaun Administrativae espesial Oekusi-Ambeno (RAEOA), Rogeiro Lobato promote sei loke kampu trabalhu ba sidadaun Atoni oan 5000.
Prezidente Autoridade RAEOA, Rogeiro Lobato hatoo kestaun nee ba jornalista sira iha Tribunal Primeiru Instansia Dili, Kaikoli, Segunda (30/06/2025) hatete, sei loke kampu servisu ba sidadaun Oekusi 5000.
“Sei loke kampu servisu ba sidadaun Oekusi oan 5000 nee senhor Ricardo Neuwiha fabrika nia aranja ema sira nee, ita asina ona kontratu ho sira, horiseik koalia ho hau ohin sira mai hasoru hau, tanba ami fo rai ba sira atu loke fabrika I loke mos sira nia sentral eletrika, tanba ita nia sentral eletrika agora nee produs eletrisidade ke karun tebes 24 sentimus nee ema sira mai investe nee karun tebes tanba nee sira husu bainhira loke ona fabrika sira hakarak iha iha rasik central eletrsidade rasik ho emerjensia solar para fo enerjia eletrika ba fabrika,” katak Prezidente Autoridade RAEOA.
Prezidente Autoridade RAEOA dehan, oras nee sira buka ona rai neebe atu loke fabrika ba, rai nee hetan besik iha Woenunu 69 hektares hodi tama fabrika.
“Hanesan hau dehan tiha ona sei emprega ema 5000, maibe laos dala ida deit lae, maibe primeiru komesa haruka ema atus rua atus tolu atus haat atus lima ba halo treinamentu iha Jakarta, sira ba servisu iha fabrika, depois sira fila mai ho hau fo konhesimentu para depois halo servisu iha fabrika nee,” katak Prezidente Autoridade RAEOA.
Prezidente Autoridade RAEOA dehan, fo servisu ba sidadaun RAEOA 5000 nee buat ida diak, nunee bele konvense maluk Timoroan sira katak, laos estadu deit mak prinsipal empregador.
“Tenke husik inisiativa privadu sira hodi loke fali para sira mos fo servisu ba Atoni oan sira, iha Oekusi ita fo servisu ema 5000, ida nee ita rezolve problema barak, tanba agora estadu mak fo servisu barak ba ema dois mil ital funsionariu publiku, ita labele kontinua ho servisu ida nee maibe tenke muda,” katak nia.
Sei fo posibilidade ba ema sira neebe mak hakarak halo investimentu iha rai laran nee, ezemplu hanesan mos Hotel Oepu, sira agora atu halo quatru sentos kuartus, Prezidente Autoridade rasik hakarak tinan oin iha fulan marsu dia mundial ambiente sei halo halo iha Oekusi.
“Entaun ita tenke halo Hotel ida ho quatru sentos kuartus para simu bainaka husi rai liur, imi sei haree, imi hakarak ba iha neeba sei haree sira serbisu, no serbisu lalais tebes,” katak nia.
Prezidente garante ka lae komprimisiu ida nee bele implementa ka lae? Tanba Primeiru Ministri rasik deklara ona katak iha fulan outubru sei troka Atoni oan mak kaer rasik administrasaun hatan ba kestaun nee Prezidente Autoridade dehan buat sira neebe sira hakarak halo mak ida nee, konaba deklarasaun nee hein deit sai duni realidade ka lae?.
Nia hatete, investor barak mak hasoru ona Prezidente Autoridade hanesan investor husi Angola, Portugal, Malazia, Brunei no seluk tan.
(eme)
