DILI, STLTIMORLESTE.com – Prosesu sira neebe iha Ministeriu Publiku inklui Roo Haksolok kontinuasaun ba iha investigasaun sei lao.
Tuir Prokurador Jeral Republika, Nelson de Carvalho katak, reputasaun prosesual Prokurador Jeral Republika labele fo komentariu, maibe se klaru prosesu sira nee iha ona Ministeriu Publiku, kontinuasaun ba iha investigasaun kontinua lao.
“Reputasaun prosesual hau labele koalia tanba iha faze investigasaun nia laran, se klaru sei iha Ministeriu Publiku kontinuasaun ba investigasaun sei lao,” dehan Prokurador ba jornalista sira iha Aitarak Laran, bainhira partisipa iha Serimonia Icar Bandeira, Tersa (20/05/2025).
Nia hatutan, depende ba iha Prokurador titular tanba iha Ministeriu Publiku iha mos Gabinete ida mak responsabilidade ba ida nee. Maibe kona-ba Roo Haksolok kestaun prosesu labele koalia.
Sublina, investigasaun lori tempu naruk, tanba iha invetigasaun nee iha kestaun barak mak sei koloka iha neeba.
Iha fatin hanesan, Komisariu KAK, Rui Pereira dehan, sira nia parte sei hasoru malu ho Prokurador Jeral Republika hodi koalia kona-ba prosesu nee, tanba too agora seidauk iha redelagasaun ba iha KAK hodi halo investigasaun.
“Ita espera ho Prokurador Jeral Republika foun nee ami bele hetan malu, tanba kazu sira neebe iha Oekusi nian hanesan Roo Haksolok nee, redelegasaun seidauk mai KAK,” dehan Komisariu.
Nia hatutan, prosesu nee antes iha KAK mak halo hela investigasaun, maibe momentu neeba Komisariu seidauk iha mak prosesu sira nee lori hikas ba iha Ministeriu Publiku.
(ter)
