DILI, STLTIMORLESTE.com – Timor Leste (TL) Sai membru Asosiasaun Nasoins Sudeste Aziatiku (ASEAN) sei fo vantajen boot ba TL.
Prezidente Republika Jose Ramos hatoo kestaun nee ba jornalista sira liu husi Konferensia Imprensa iha Palasiu Prezidensial Nikolao Lobato, Bairo Pite, Tersa (27/05/2025).
Prezidente Republika hatete, Timor Leste sai membru ASEAN sei fo vantajen boot ba Timor Leste.
“Vantajen boot ba ita mak nee, ida vantajen diplomatiku ke Timor Leste hola parte organizasaun rejional ASEAN nee importante tebes, setesentas Milhões de pesoas la too mais kuaze ekonomia ASEAN sira nia kuaze hotu hotu forte, kuandu ita tama organizasaun rejional ASEAN, mezmu ita ladun halo buat barak maibe ita hetan benefisiu tanba sa? Ekonomia nee siensia ida arte ida maske hanesan ema jenio boot ida kuandu o hola parte organizasaun ida ekonomia nee dinamiku benefisiu sei too duni,” dehan Prezidente Republika.
Prezidente Republika hatete, se bainhira tama sai ona membru sei iha benefisiu no sei aumenta vizitante oin-oin mai Timor Leste, Tinan 2 ka 3 mai nee vizitante lubuk ida mai ona.
“Klaru ita boot sira rona karik partidu politiku balun hatete buat ida la lao, sesta baziku mak diak liu buat sira nee no dehan sesta baziku mak aumenta ekonomia maibe tinan 2 no 3 mai nee kada tinan maizumenus turista mai Timor nee oitenta too sem, Hotel sempre nakonu nee ita la halo kampanha boot iha liur mais ita tenke halo kampanha iha liur nee kuandu Governu halo marketing estatejia selu boot,” katak PR Horta.
Xefe Estadu hatete, ho vizita Liurai Brunei mai Timor Leste nee publisidade boot ba Timor Leste, agora ema hotu-hotu iha Brunei konhese TL no boot liu mak vizita Amu Papa Francisco nia mai TL.
Aleinde nee Timor Leste sei hetan admisaun formal hanesan membru ASEAN nian durante Simeira husi Xefe Estadu no Governu ba dala 47 husi organizasaun rejional nee, neebe marka ba fulan Outubru tinan 2025, iha mos Kuala Lumpur.
Anunsiu nee fo sai Husi Primeiru Ministru Malazia, Dato Seri Anwar Ibrahim, iha sesaun plenaria Husi Simeira ASEAN ba dala 46, neebe halao daudaun iha Kuala Lumpur.
Primeiru Ministru Malazia afirma ida nee nuudar momentu istoriku ida, laos deit ba Timor Leste, maibe ba família ASEAN tomak. Jornada Timor Leste nian ba adezaun plena reflete nia vizaun koletiva kona-ba ASEAN ida neebe unida, koeziva no orientada ba futuru. Primeiru Ministru mos agradese ba parseiru rejional no internasional sira hotu neebe kontribui ba alkansa pasu ida nee, hodi rekoñese esforsu hamutuk neebe halo durante prosesu nee.
(eme)
