DILI, STLTIMORLESTE.com – Sarani Parokia Sagrado Coração de Jesus, João de Jesus Costa Batista apresia ho Amu Domingos Maubere ninia programa kona-ba Gaudete Et Exsultate, katak ita ema moris tenke hetan ksolok.
“Ba hau nuudar sarani Parokia Bekora nian, Amu Du tama iha nee too agora buat ida neebe apresia tebes kona-ba ninia Programa Gaudete Et Exsultate, nee dehan katak ita ema moris tenke hetan ksolok hetan alegria, maibe too hetan ksolok alegria ida nee presiza pasu por pasu, ninia programa ba 5 nee,” hatete Sarani, João de Jesus Costa Batista ba STL iha Igreja Bekora, Sabdu nee (17/05/2025).
Nia informa, tinan primeiru nia koalia kona-ba oinsa atu konsolida sarani sira, para atu bele fo valor, fo rekonhesimentu fiar ba iha sakramentu konfesa.
Tinan daruak nia halo fali Sakramentu Eukaristia, tinan datolu nia halo sakramentu jejun no penitensia, iha tinan da-haat Amu Du fo fali programa oinsa sarani sira atu bele fo aan hanesan grasa ida nia simu ona nia tenke fahe grasa nee ba ema seluk, ba tinan da-lima Amu Du komesa moras ona programa la lao, nunee Amu Paiva sai Administrador ho nia programa seluk neebe la lao.
“Maibe Amu Domingos nian programa ba tinan 5 nee atu atinji Gaudate Et Exsultate hau apresia tebes-tebes,” dehan nian.
Amu Du ema ida neebé dedika hetan formasaun husi tempu Português nunee tempu neebé disiplina, rigor dala ruma nia koalia ho rigor, maibe ninia fuan nee osan tebes.
Amu Domingos nuudar bibi atan diak, tanba durante iha Parokia nee lao kuaze bairu hotu-hotu ho han ho sira dialogu ho familia buka hatene familia nia situasaun nia moris oinsa nia lao.
(joa)
