DILI, STLTIMORLESTE.com – Sarani Katólika simu novidade tristeza ho matan-been, tanba lakon Pedre Domingos Maubere neebe hakotu nia jornada moris iha sala Intensive Care Unit (ICU) Hospitál Nasionál Guido Valadares (HNGV), iha tuku 07:10 OTL.
“Ohin sarani katolika simu triste ho maten-been tanba lakon Padre Domingos Maubere neebe ohin lakon iha ita nia leet, iha tuku 07:10,” hatete Sarani Ortencia de Jesus ba jornalista sira iha sala Mortuariu HNGV, Sesta (16/05/2025).
Nia dehan, Padre Domingos Maubere halo tratamentu iha ICU durante semana ida foin hakotu iis.
“Iha loron rua liu ba nia hader mai hodi halo orasaun, no orasaun hotu nia han, ita haree kondisaun diak oituan ona, maibe lae, ohin ita simu nia novidade tristeza ida nee,” nia deklara.
Observasaun STL iha Kapala Nossa Senhora de Lourdes HNGV, oras nee daudaun maktoban Pedre Domingos Maubere hamutuk sarani sira hodi selebra misa ba maktoban Pedre Domingos Maubere, depois sei lori ba Letefoho ho helikopter no Segunda sei lori ba Parokia Bekora no sei lori fali mai iha Igreja se Katedral Vila Verde, hodi halo misa funebre.
Aleinde nee, depois misa sei haloot Amu Domingos Maubere nia mate isin iha semiteriu dos Padres iha Maloa Ailok Laran, Dili.
(jen)
