DILI, STLTIMORLESTE.com – Nuudar sarani nafatin hadomi no tau fiar iha Kristu Jesus, tanba fiar sei hetan rahun diak.
Lia hirak nee hatoo husi Padre Augosto de Sa liu husi nia omilia iha Kapela São Pedro no São Paulo Fatumeta, Domingu (10/08/2025) hatete ema presiza iha Jesus.
“Evanjelhu ohin mos relata ba ita kona-ba reinu lalehan nian,” dehan Padre Selebrante.
Padre dehan, moris loloos mak husi Nai, riku soin mundu nia nee bele buka maibe nafatin agradese ba Nain ba grasa neebe hetan, importante hadomi no tau fiar iha Kristu.
Padre husu ema hotu nafatin tau fiar iha Jesus Kristu, tanba ho fiar mak bele hetan grasa no esperansa.
“Atu kontinua mehi iha ita nia moris, ita nuudar ema sarani, evanjelhu relata buat barak, buat neebe importante mak atu ita kontinua hadomi no fiar ba Maromak no aprosima iha ita nia moris hanesan ema sarani,” dehan Padre.
Padre dehan ho fiar mak lao tuir Maromak nia vontade, fiar nee importante iha ema nia moris, atu kontinua Iha ema nia moris loron ba loron.
Nafatin fiar iha Kristu liu husi Sakramentu neebe simu ona iha Ostia, nunee lao tuir nafatin Kristu nia hanorin sira hotu.
Bibi atan kreda Katolika dehan, hametin fiar liu husi orasaun no nafatin hametin uniaun ho Maromak iha moris loron-loron.
Nafatin fiar iha Maromak iha moris loron-loron, prepara aan hodi simu ksolok iha Maromak.
(eme)
