DILI, STLTIMORLESTE.com – Atleta Indonezia husi Nusa Tenggara Timur (NTT) ho naran Sardianus Sanam sai Primeiru Lugar no Joanito Fernandes husi Timor Leste (TL) sai Segundu Lugar halai Marathona Internasional husi Modalidade Atletizmu iha ambitu apoiu solidariedade ba Palestina.
Halai Marathona nee, Abertura direitamente husi Prezidente da Republika (PR), José Ramos Horta hahu iha tuku 6:00 Oras Timor Leste, ba atletismu Sira husi nasaun Japaun, Indonezia, Timor Leste (TL) no. Malazia husi Moedalidade Atletizmu 10 Km, 21 KM, 42 KM no marsa Solidariedade ba Palestina iha Palasiu Presidensial Bairru Pite Dili, Sábadu (11/10/2025).
Tuir Atleta Indonezia husi Distritu Timor Tengah Selatan (TTS) Suku Lakat Soe, Niki-Niki, Sardinus Sanam ba Jornalista sira iha Palasiu Prezidente hafoin Selebra Ninia kampiaun Halai Marathona Internasional 42 KM katak, sente Apresia no kontente Tamba foin primeirabes halai taruh kompetisaun Marathona Internasional.
“Hau antusias no kontetnt sai bensedor Primeiru Lugar Halai Marathona Internasional ho moedalidade Atletizmu 42 KM, Hau antusias tebes ho Povu Timor Leste neebe akompanha Ami halai taruh, Marathona Internasional iha Dili, rute nee pas loos 42,192 KM, ho Nia tensi rai neebe Manas. Halai iha haleu dahuluk sente ambiente neebe furak, Anin malirin, iha Halai haleu Segundu parte nee mak, sente todan tanba Rai Manas tebes hafoin halai Atinji 38 KM, too Kristo Rei Dili, Rai komesa nakokun tanba hasoru loron matan sae,” dehan nia.
Responde kona ba premium halai Marathona 42 KM, rona informasaun husi kolega sira katak primeiru lugar hetan osan US$ 4.000, premiu ida nee extraordinaria.
“Premiu osan neebe hau hetan, sei halo negosiu, hau hatoo agradese no obrigado wain ba Governu TL neebe konvida Ami partisipa iha eventu Internasional Halai Marathona, atu tuir eventu Internasional hanesan nee Laos fasil, maibe konsege tuir eventu nee, Hau agradese ba Governu no povu povu TL, espera eventu hanesan nee kontinua iha nafatin, atu nunee Ami bele tuir eventu Internasional nee no karik tinan oin sei kontinua iha, hau sei mai partisipa tan,” dehan nia.
Joanito Fernandes Atleta TL Segundu Lugar.
Iha sikun Seluk, Joanito Fernandes, Atleta TL, sai segundu lugar iha eventu Internasional Halai Marathona 42 KM no sai Primeiru Lugar Atleta Nasional.
“Hau agradese ba Maronak tanba iis no forsa neebe hau hetan no agradese ba esforsu neebe hau treinu mesak, konsege realiza hau nia mehi no marka historia previleziu boot iha Internasional Marathona tinan 2025 sai hanesan nasional primeiru lugar no segundu lugar ba halai Marathona Internasional tinan nee, kada tinan nunka hetan primeiru lugar, maibe tinan nee konsege hetan,” dehan nia.
Iha biban nee, nia agradese ba Governu TL neebe fo oportunidade ba sira hodi partisipa iha eventu halai Marathona Internasional no husu ba Governu atu tinan oin mai sei bele atleta sira tama iha training center fulan 2 ou 3 antes tuir kompetisaun.
“Foin lalais nee Ami Tama Training Center fulan 1 deit, Ida nee la masimu ba Ami atu halai 42 KM, tanba Ida nee presiza treinu fulan 3 ou fulan 4. Liuu husi Desportu halo Solidariedade ba Palestina, inklui TL atu kria Paz, amizade no fraternidade iha Idak-idak Nia nasaun too suku no Aldeia, lakleur Tan Ita sei adere ba ASEAN, Liu husi desportu hadook aan husu krime no problema,” dehan nia.
Tuir Deputada Partidu Frente de Refolusionariu Timor Leste Independente (FRETILIN) Nurima Alkatiri dehan, sente ksolok tebes tanba finalmente iha eventu Internasional Marathona tinan 2025, fo Solidariedade ba Palestina neebe tinan barak sofre ona.
“Hau laos foin primeira ves fo hau nia solidariedade ba Palestina, maibe ida nee marku importante ba TL nuudar nasaun, atu ita hatudu ba mundu katak ita fo ita nia solidariedade hanesan uluk ema husi nasaun seluk mos fo sira nia solidariedade ba ita,” dehan nia.
Nia dehan, husi eventu ida nee sei sai hanesan pasu ida tan, tanba liu husi ida nee sei la rezolve problema iha mundu, maibe sei fo forsa ba sira neebe luta ba sira nia soberania nunee sira sente katak sira lamesak maibe luta hamutuk atu nasaun hotu-hotu moris iha harmonis.
Jornalista: Joseph Koa
Editor: Joseph Koa
