DILI, STLTIMORLESTE.com – Visi Diretor Hak, Antonino de limas hatete, atividade kona-ba konstrusaun estrada nomos setor agrikultura oras nee lao, maibe kona-ba saude nafatin sai preokupasaun tanba iha klinika no ospital atendimentu lao la diak no aimoruk mos laiha.
“Observasaun jeral deit buat neebe ita haree mak ba assuntu estrada ita haree lao duni atividade projetu lao iha setor agrikultor konstrusaun agrikultura buat barak lao, maibe sira seluk nafatin kritiku liu liu ba assuntu saude, tinan kotuk kedas too agora nafatin konaba atendementu iha Hospital ladun ladiak, no aimorok sai preokupasaun publiku, nomos iha Ministeriu saude ita laharee planu nee adekuadu,” dehan Antonino ba jornalista STL iha nia knaar fatin, Farol, Kinta (28/08/2025).
Nia hatete, kona-ba saude oras nee publiku nafatin preokupa, tanba laiha aimorok no atendimentu ladiak ba komunidade sira ida nee sai preokupasaun boot.
“Problema kona ba aimorok, atedimentu iha sentru saude iha Hospital Nasional mos atendimentu ladiak nee hatudu maski dezenvolvimentu fizika balun lao maibe maibe seluk ita bele dehan lao dolar deit,” katak Visi Diretor Hak nee.
Iha parte ketak, Sekretariu Jeral Partidu FRETILIN, Mari Alkatiri hatete, foin lalais Primeiru Ministru, Kay Rala Xanana Gusmão hatete Ministru Agrikultura nia servisu la lao.
“Tinan 2 ona foin ita boot hakfodak ita nia Ministru lahalo buat ida, hau kuandu ukun nee kada semana loron ida tenke mai hatoo relatoriu, nia tenke mai koalia ho hau para hau husu sasan ho lolos,” katak Mari.
Nia dehan, membru Governu agora barak demais tanba nee balu parese Primeiru Ministru lakonhese tan tanba barak demais, tanba Edukasaun deit fahe ba hira kedas, sente Timor Leste atu boot hanesan fali ho Xina.
(eme)
