DILI, STLTIMORLESTE.com – Tenente Jeneral Reformadu atual asesor politika Prezidensial Republika, Lere Anan Timur, hatete atitude SEATOU tun sobu stand feira neebe harii iha Palasiu Prezidensial sein rekonhesimentu husi Prezidente Republika (PR) Jose Ramos Horta, ida nee hatudu abuzu poder.
Eis Xefe Estadu Maior Jeneral F-FDTL hatoo kestaun nee ba jornalista iha knaar nia fatin Farol, Dili, Tersa (23/12/2025).
Lere dehan ukun nain sira nee matenek maibe laiha esperiensia ukun, tanba nee iha tinan kotuk nia rasik koalia ho Primeiru Ministru (PM) Kay Rala Xanana Gusmão katak tanba sa la halo tuir hanesan uluk iha ai laran.
“Maun halo reuniaun ho ami semana ida, semana rua, kuandu situasaun diak nee reuniaun ho ami hanorin ami, ita ho ita nee serbisu oinsa para labele hadau malu serbisu, nee mak bolu metodu de trabalho i de diresau, ita haree ba SEATOU kumpre ordem maibe ninia inisiativa mak deskontroladu, Governu neeba dehan urbanizasaun tenke halo, Dili nee mos organiza buat sira nee hotu mais nia inisiativa deskontroladu, nia rasik mak ba,” dehan Jeneral Reformadu Lere.
Lere dehan Munisipiu Dili nee munisipiu ida iha Prezidente Autoridade Munisipiu (PAM) serbisu hotu-hotu, neebe halo nee Prezidente Autoridade Munisipiu nian, laos ninian. Lolos nee fo ordem ba PAM ezemplu karik kareta para ladiak, inan aman faan sasan okupa espasu publiku nee autoridade mak ba, laos SEATOU mak ba.
Hanesan foin lalais iha palasiu Prezidente nia premeiru sala boot nee iha nee, nia kompara ho Prezidente nee Prezidente boot liu nia, se nia hatene nia iha esperensia konaba diresaun konaba metodu trabalho diresaun nia premeiru konsidera Prezidente nuudar o nia supremu ba husu autorizasaun katak bele hasai tiha Stand ou barak sira nee kalae? Prezidente mak autoriza maibe ba sobu laiha koinesementu ba PR, ida nee matenek sira la estuda ida nee, maibe lere konta katak sira iha ai laran konsidera malu tanba nee haree malu diak
“Hau komando unidade ida o bele Xefe Estadu Maior o bele saida unidade nee laos o nia o lamanda, o mai iha hau nia unidade o tuur nonok hakmatek saida mak hau deside mais tanba konsiderasaun nuudar hau nia boot hu sempre fo hatene maun ami atu halo ida maun nia opinaun oinsa, aban mud aba fatin seluk maun nia hanoin nusa nee tenke halo tuir nee konsiderasaun,” dehan Lere.
Lere dehan SEATOU kumpre ordem Governu nia tun lahatene ba sorin sorin nia hanoin kala nia mesak deit ona neebe ba saruntu deit tau nia kapasete sapeo akadiru nee ba saruntu deit lolos nee nia hateke ba sorin sorin.
Maibe seatou okupa hotu serbisu Munisipiu Dili nia nee tuir Jeneral Reformado nia hanoin oinsa? Hatan ba kestaun nee Lere dehan nee injerensia aboju de poder.
“Nee Injerensia Abuju poder buat oin oin, dehan Dili atu sidade nee mak halo ajuneira halo hanesan nee labele, maibe ita nuudar professional iha nasaun tenke tuir dalan selae maki ta bolu SEATOU nee abuju poder halo injerensia buat sira nee hotu naran ida ita la podia bolu mos Pratika hatudu,” dehan Lere.
Alende nee Prezidente Republika Jose Ramos Horta hatete attitude husi Sekretariu Estadu assuntu Toponomia no organizasaun Urbana Germano Santa Brite nia hatudu arogansia maibe ida nee Primeiru Ministru Kay Rala Xanana Gusmao mak sei hatene.
Foin lalais Sekretariu Estadu assuntu Toponomia no organizasaun Urbana Germano Santa Brite ho ekipa tun sobu stand neebe negosiante sira monta iha palasiu Prezidensial oin, ho razaun okupa espasu publiku no hamosu emgrafamentu, dader sobu meudia Prezidente Republika haruka ekipa Prezidensial Republika ho Prezidente Autoridade Munisipiu Dili haruka negosiante sira monta hikas no agora dadaun feira nee kontinua lao hodi komemora loron boot Natal no loron eroina sira nia.
Jornalista: Emerenciana Pinto
Editor: Xisto Mendonça
