DILI, STLTIMORLESTE.com – Sekretariu Estadu no Floresta (SEF), Fernandinho Vieira da Costa apresia ba Japan International Cooperation Agency (JICA) neebe ohin realiza formasaun Community Based National Resourse Management (CBNRM).
“Apresia ba JICA neebe servisu hamutuk ho ita liu husi programa CBRNM atu bele hasae no halo jestaun ba Bacias Hidrografika iha Timor laran tomak,” dehan SEF ba jornalista sira iha salaun Luz Clarita, Tersa (23/09/2025).
Nia dehan, treinamentu CBRNM neebe mak realiza husi Japan International Cooperation Agency (JICA) nee importante tebes.
“Ita agradese tanba treinamentu CBRNM importante tebes, tanba CBRNM ho JICA nia prezensa iha 2005, nia servisu hamutuk ho ita too ohin loron,” nia haktuir.
Tanba nee Ministeriu Agrikultura Pekuaria Peskas Floresta (MAPPF) servisu hamutuk ho parseiru no diplomata sira iha Timor Leste, hodi fo apoiu ba povu agrikultura sira.
“Bazeia ba politika IX Governu Konstitusional kontinua hasae produsaun fo formasaun ba ita nia parseiru sira, para atu bele apoiu hodi asegura iha setor agrikultura nia,” tenik nia.
Aleinde nee CBRNM dezenvolve povu agrikultura no halo jestaun ba pratika agrikultura neebe mak sustentavel hodi bele harmoniza, servisu pratika iha terenu, hodi labele estraga ita nia rekursus naturais no labele estraga floresta sira.
“Ita haree ita nia Bacias Hidrografika nee iha tinan-tinan lansa aumenta ba beibeik, tamba sira nia jestaun ba agrikultura, kriasaun no ba ita nia povu agrukultura sira nian,” tenik nian.
Mezmu nunee, ita hotu iha responsabilidade no esforsu tomak atu bele kria kondisaun neebe mak diak ba problema neebe mak akontese iha ita nia rai laran.
Jornalista: EST 1
Editor: Xisto Mendonça
