DILI, STLTIMORLESTE.com – Sekretariu Estadu Formasaun Profisional Empregu (SEFOPE) ohin halo serimomia asina kontratu ho grupu auto empregu 15 husi Munisipiu 13 inklui RAEOA.
Grupu benifisiariu sira husi Munisipiu 13 inklui RAEOA hamutuk 15 mak hanesan Baldes, Ronoze, Bariudo Lao, Grihelzes Funan, RiniRina Lonkulo, Jolusiairenia Nofian, Nunsloet, AngluLefu, Emafefatma, Bedotochano,
T3-Viegas, Bolu Teinae, Lifau Mina nuu no Nelsoijia.
“Atividade ohin importante mak asina kontratu entre grupu benefisiariu ho SEFOPE husi munisipiu sira hamutuk 15, programa ida nee programa anual iha SEFOPE nian neebe kada tinan sempre fo apoiu ba ita nia grupu hodi halo atividade negosiu iha idak-idak nia munisipiu no iha area rurais sira ho autoridade munisipiu ka reprezenta husi SEFOPE sira iha munisipiu,” dehan Carlito iha nia diskursu iha salaun Senai Bekora, Kinta (29/04/2025).
Nia hatutan, iha biban ida nee SEFOPE mos aponta proposta husi kada munisipiu iha Timor laran tomak hamutuk 150 neebe tama iha SEFOPE, husi 150 nee iha 109 mak hetan aprovasaun.
“Ami halo avaliasaun durante semana rua, entre 109 nee hetan aprovasaun kada munisipiu hamutuk 15, proposta razaun saida mak komisaun aprova deit 15, primeiru mak tinan ida nee orsamnentu ba iha programa, tanba nee mak ho desizaun politika nunee munispiu hotu bele hetan,” katak nian.
Nia fundamenta, molok halo diskusaun ekipa tekniku halo avaliasaun hodi kumpri, neebe entre 150 nee mak pasa iha pleminariu hamutuk 109 proposta nee mai husi munisipiu hotu-hotu, tanba nee mak avansa tan Komisaun Nasional Ekipa Tekniku Avaliasaun kompostu husi diretor munisipiu sira involve iha laran.
Iha fatin hanesan, benifisiaria Angelica dos Santos husi Munisipiu Likisa, husi Grupu Emafefatma Benkel hateten, nia sente kontente no agradese ba governu liu husi SEFOPE tanba bele haforsa liu tan nia atividade.
“Primeiru hau agradese ba governu, pesoalmente hau urgulhu tebes tanba hau bele hetan oportunidade ida nee hodi ajuda ami haforsa ami nia atividade hodi halao ba oin no mos kria kampu trabalhu ba joven sira, hau nia benkel kareta ho motor, ba oin organiza didiak nunee grupu ida nee lao nafatin ba oin, iha hau nia benkel hau fo servisu ba ema nain 4 kompostu husi feto ida no mane tolu, entre sira nain haat nee tekniku mekaniku hotu.
Nia deklara, sei servisu hamutuk ho joven sira nunee grupu ida nee kontinua lao ba oin no susesu liu tan, fiar aan katak ba oin nia sei susesu liu tan iha futuru no kontratu nee governu fo durante tinan ida,” nia hakotu.
(EST 1)
