DILI, STLTIMORLESTE.com – Sekretaria Estadu ba Formasaun Profisional no Empregu (SEFOPE) realiza seminariu nasional kona-ba “Planu Revizaun Politika Estratejia Nasional Empregu Husi 2017 Too 2030”.
Rogerio de Araujo Mendonça hatete, iha seminariu ba loron ohin nee reuniaun dahuluk, neebe parte SEFOPE konvida mos linha ministeriais sira hotu ho parseiru dezenvolvimentu sira hanesan ILO ho CCI-TL Sindikato.
“Reuniaun nee nia objetivu atu haree fila fali ba estratejia nasional empregu neebe mak uluk iha 2017, ita halao ona ba too iha ninia tarjeitu mak husi 2017 too 2030, ida nee hatete katak tempu nee naruk tebes, ho tempu neebe naruk parte SEFOPE liu husi Sekretariadu Estratejia Nasional Empregu haree presiza halo duni mudansa, presiza halo revizaun ba iha estratejia nasional empregu,” hatete Rogerio de Araujo Mendonça ba jornalista sira iha Novu Turizmu Lesidere, Kinta nee (06/03/2025).
Nia dehan, situasaun husi tinan ida ba tinan seluk la hanesan, nunee ita presiza adapta fila fali ho situasaun atual neebe ita iha, ida nee mak konvida linha ministerias sira hodi hola parte iha reuniaun nee.
Governante nee haktuir, pontu mudansa ezemplu iha publiku sempre hatene tanba saida mak politiku governu nian foka liu ba formasaun, haruka joven sira ba liur, nusa la kria empregu trabalhu domestiku iha rai laran, husu meus enkontru nee parte entidade hotu-hotu fo hanoin lisuk para halo fali revizaun mata dalan neebe ohin dehan ona husi 2017 too 2030, ezemplu planu estratejiku dezenvolvimentu nasional neebe mak ita tau husi 2011 too ba 2030 kada tinan haree katak la. kondisoes ona ho situasaun ruma prezisa halo alterasaun, presiza halo revizaun ba planu estratejiku sira nee.
Entretantu ILO Country Director for Indonesia and Timor Leste, Simrin Singh hatete, ILO durante nee fasilita hela apoiu ida nee ba SEFOPE atu halo analiza no revizaun ida ba estratejia nasional empregu nian, nunee laos deit atu fasilita maibe ohin loron hanesan momentu espesial tebes neebe konvida parseiru sira nomos linha ministerial sira no hotu neebe iha konhesimentu no hanoin fahe hamutuk, no iha biban nee hodi haree ba servisu sira liga ho empregu nasional TL nian.
“Tanba ida nee, ita hanesan Sekretariu Estadu Formasaun Profisional no Empregu hatete ona katak, trabalhador imigrante neebe fila husi rai liur mai iha Timor sira halo mos politika ida, politika reintegrasaun ba trabalhador imigrante sira, aleinde nee mos kontribuisaun makaas tebes mai husi trabalhador neebe servisu iha rai liur ba rai nee,” dehan nian.
(joa)
