DILI, STLTIMORLESTE.com – Membru Seguransa Sivil nain 100 konklui ona formasaun kona-ba promosaun ba sira nia nível durante fulan ida, iha Raerobu, Postu Admnistratvu Átabae, Munisipiu Bobonaro.
Formasaun ida nee tuir Ministru Interior (MI), Francisco Guterres katak, atu prienxe rekezitu ida para halo promosoens ba sira nia nível.
“Se ita haruka sira ba tuir teste komputer nee sira la liu, tanba nee mak depois diskusoens funsaun publika mos hatoo proposta ida ba Konselhu Ministru iha aprovasaun ida katak, ba ita nia funsionariu sira neebe loron-loron halao hela servisu tekniku operasional iha kraik, entaun tenke halo promosoens bazeia ba iha sira nia servisu rasik,” dehan MI, Francisco hafoin ensera formasaun ba membru Seguransa Sivil sira iha Rairobu, Bobonaro.
Governante nee mos agradese ba Funsaun Publika ba mos Konselhu Ministru neebe mak iha ona prinsipiu no iha konsentimentu.
Tannba ajusta kedas situasaun halo promosaun ba sira, para sira liu formasaun ida nee depois dekretu ida nee promulga sira mos bele hetan promosaun, hadia sira nia grau, tempu ida sira reforma ho dignu.
“Sira nia nivel nee ita bele dehan 2 ou 3, tanba nee mak ita buka oinsa para hadia tiha sira nia grau nee para depois kuandu sira ba reforma ho dignu oituan para depois sira mos kontribui buat ruma tan,” hatete governante nee.
(mar)
