DILI, STLTIMORLESTE.com – Polísia Nasionál Timor Leste (PNTL) liu husi Komando PNTL Munisipiu Dili fo seguransa ba misa Requiem Sua Santidade Papa Francisco lao diak too remata.
Komandante PNTL Munisípiu Dili, Superintendente Xefe Polísia, Orlando Gomes dehan, misa requiem Sua Santidade Papa Francisco iha Tasi-Tolu neebe komesa husi tuku 06:00 loraik too remata situasaun lao kontroladu, tanba hetan seguransa masimu husi membru PNTL.
“Tanba hetan seguransa masimu husi ita nia Unidade Espesial Polisia (UEP), Unidade Polísia Martima (UPM), nia Unidade Polísia Fronteira (UPF) nomos FALINTIL Forsa Defeza Timor-Leste (F-FDTL) neebe hamutuk hodi garante situasaun seguransa nee lao diak ho ita nia komunidade no joven sira tomak, hodi segurasan nee lao diak,” hatete Superintendente Xefe Polísia, Orlando ba jornalista sira iha Komando PNTL Munisipiu Dili, Segunda (28/04/2025).
Nia esplika, situasan jeralmente iha Tasi-Tolu lao diak tebes, maibe iha engarrafamentu tempu sarani sira atu fila kalan, maibe Polísia rezolve engarrafamentu depois transporte lao normal fila-fali.
“Ita la rejista kazu grave ruma neebe mak durante selebrasaun misa, tanba nee kontribuisaun makaas husi Ita nia joven sira no komunidade sira, maske iha mumentu neeba ita haree ema ida ke barak tebes, mais situasan lao diak,” nia deklara.
Iha fatin hanesan, sarani Lina da Costa informa, iha loron Sabadu neebe sarani tomak ho joven sira ba halao misa iha Altar Santo Tasi-Tolu situasan Jeralmente lao ho diak tanba hetan segurasan masimu husi PNTL.
“Ita nia misa lao ho diak, tanba mundu tomak lakon Papa Francisco, inklui Timor, tanba nee ita haree situasan tristeza nian laran nee laiha konflitu no ita haree situasan hakmatek no lao kontroladu, depois ita nia PNTL no F-FDTL fo seguransa masimu ba ita,” nia afirma.
(jen)
