DILI, STLTIMORLESTE.com – Sekretaria Estadu Igualdade (SEI) akuza makaas hahalok autor ho naran inisial JRX neebe oho nia kaben ho kondisaun gravida, tanba konsidera kriminozu.
Hatete Sekertaria Estado Igualdade (SEI), Elvina Sousa Carvalho ba jornalista sira iha City 8 Manleuana, Dili, Segunda (28/10/2024).
“Primeiru lugar atu hatete SEI triste no lamenta tebes ba asidente neebe mak foin lalais akontese, liu-liu ba kazu neebe mak nia parseiru rasik mak hakotu nia feen nia vida inklui nia oan iha kabun laran,” hatete SEI, Elvina Sousa Carvalho ba jornalista sira iha City 8 Manleuana, Dili, Segunda (28/10/2024).
Nia dehan, akuza makaas hahalok autor JRX neebe laiha sentimentu humanu, hodi halakon nia kaben neebe ho kodisaun gravida todan ho nia liman rasik.
Nia esplika, kazu violensia domestika hanesan realidade moruk neebe mak kuaze loron-loron feto sira hasoru, neebe balun tenke lakon vida, aat liu tan mak lakon vida iha nia parseiru neebe mak sira hadomi, hanesan kazu Bekora neebe durante nee ema hotu nota katak, sira nain rua hadomi malu.
(jen)
