DILI, STLTIMORLESTE.com – Proposta Orsamentu Jeral Estadu (OJE) 2025 neebe sae too US$ 2 bilhaun resin, sei haree no debate ho rasiu no produtivu, hodi fo nia benefisiu ba povu no nasaun.
Deputadu Bankada FRETILIN, Antoninho Sarmento hatete, proposta OJE 2025 hanesan ema politiku iha Parlamentu Nasional, nudar opozisaun estuda hela tanba boot kompara ho OJE 2024 nian.
“Ami sei haree no estuda, atu nunee too iha debate oinsa iha duni rasiu no produtivu, nunee mos haree funsiona OJE 2024 nian, hodi haree razaun, tanba saida mak hasae osan too U$ 2 bilhaun ital”, katak Deputadu Antoninho Sarmento ba STL Kuarta nee (16/10/2024) iha PN.
Nia informa, sira mos sei haree hasae osan nee nia iha efetivu ka lae, nunee iha debate sei halao debate neebe diak, nunee hodi haree ba dezenvolvimentu iha konektividade ho asuntu povu ka lae.
Nunee haree mos osan neebe boot, signifikante no pozitivu ba dezenvolvimentu povu no nasaun, nee oinsa. Tanba nee osan povu nian, daudaun nee iha ona PN, tanba nee sira sei haree no estuda atu haree oinsa benefisia ba povu ho nasaun.
(gui)
