DILI, STLTIMORLESTE.com – Programa merenda eskolar baibain halao iha fulan Fevereiru, tanba nee seidauk hatene loron efetivu implementasaun programa refere.
Liafuan nee hatoo husi Diretor Ensinu Baziku Sentral Fatumeta, Cornelio S. dos Santos katak, depois de feriadu, eskola foin tama fila fali, nee duni programa nee seidauk lao. Husi eskola hein deit, bainhira osan ba programa nee tun ona, husi eskola ezekuta deit.
“Kona-ba programa merenda eskolar nee ami hein hela, tanba baibain hanesan nee halao iha fulan Fevereiru nia laran, informasaun kona-ba merenda eskolar ba loron efetivu neebe atu halao nee ami seidauk hatene, maibe rona informasaun neebe mak iha nee sei halao iha fulan Fevereiru nia laran,” afirma Cornelio ba STL, Kuarta (08/01/2025).
Nia dehan, husi eskola hein deit bainhira mak atu implementa merenda eskolar, husi eskola hein ezekuta deit, no labele inventa sasan bainhira osan nee estadu nian tun mai ona bele halao programa nee iha eskola.
(jac)
