DILI, STLTIMORLESTE.com – Ministeriu Edukasaun (ME) rekonhese katak, too ohin loron seidauk iha rezidensia ba profesor sira, maibe ba oin ministeriu tau iha planu hodi haree ba asuntu ida nee.
Liafuan nee hatoo husi Diretora Rekursu Umanu iha ME, Anita Tavares Ribeiro de Jesus ba STL iha nia knaar fatin ME Vila Verde, Tersa nee (26/11/2024).
“Ita seidauk iha rezidensia ba profesores, maibe planu ba oin ita sei haree. Nee duni ME rekonhese katak ita seidauk iha rezidensia ba ita nian profesor sira, no espera katak ba oin nee sei haree, tanba ita haree ba ida neebe mak prioridades, tanba ita haree ba orsamentu, hodi haree ba asuntu rezidensia ba ita nian profesores sira,” nia dehan.
Nia afirma, nee duni ba oin ministeriu nafatin tau iha planu, para ba futuru bele haree asuntu ida nee, nee duni too ohin loron seidauk iha rezidensia ba profesor sira, maibe profesores nafatin halao sira nian knaar iha eskola idak-idak.
(jac)
