DILI, STLTIMORLESTE.com – Sekretariu Jeral (Sekjer) G7+, Helder da Costa atualiza atividade tinan 2025 ba Prezidente Republika Jose Ramos Horta.
Bainhira remata hasoru malu Sekretariu Jeral G7+ Helder da Costa dehan, sente preveleizu hodi mai halo enkontru kortejia ho Prezidente Republika atu atualiza konaba atividade G7+.
“Mai atualiza kona-ba atividade G7+ nuudar organizasaun intergovernamental neebe halao ona durante tinan ida nee 2025, tanba tinan nee atu remata ona. Needuni ami nia obrigasaun mai atualiza ka breefing ba Prezidente Republika,” dehan nia ba jornalista iha Palasiu Prezidensial Nicolau Lobato, Bairo Pite, Kinta (13/11/2025).
Nia hatete, premeiru lugar lori G7+ ho lideransa organizasaun ida nee nia hatoo parabens no kongratula Timor Leste nia adezaun ba ASEAN foin dadaun nee.
Segundu koalia mos konaba susesu neebe halao tiha ona iha Nova Yorke foin dadaun nee iha simeira G7+ nia iha ambitu asembleia jeral nasoens unidas neebe halao iha 23 Setembru liu, momentu nee Prezidente Republika labele partisipa haruka deit intervensaun neebe reprezenta husi Ministra Saude.
“Ohin update ba Prezidente katak Prezidente Sereleo agora nomeado mos hanesan konsellu pesoal eminente hanesan mos ita nia maun boot Xanana nomos Prezidente Horta ita nia enviandu espesial konaba mediasaun, iha rejultadu samit nee mos ami hamosu estadu membru sira G7+ iha Nova Yorke hamosu atu establese rapit responsavel sentru atendementu rapido konaba membru estadu sira iha G7+ ba sira neebe iha negosiasaun intermus de rekursu naturais litigasaun ka kontratual entre sira ho kompanha multinasional sira,” dehan nia.
Nia hatete, sekretariu G7+ sei establese sentru atendementu nee hodi providensia hodi fasilita subtansia peritus sira husi rai sira neebe esperensia atu bele ajuda pais estadu membru sira neebe presiza halo atendementu.
Terseiru pontu koalia ho Prezidente Republika simplismente hodi sinkorniza ajenda Prezidente nia tinan oin na kualidade hanesan mos enviandu espesial, tanba Prezidente tinan oin sei iha mos planu vizita rai liur nee duni husi G7+ konkorda ona atu konkretiza sinkornizasaun ajende G7+ nia ho Prezidensia Republika.
Iha biban nee Prezidente Republika Jose Ramos Horta hatoo parabens no kongratula ba G7+ nia serbisu neebe halo advokasia no diplomasia intermus de lori G7+ nia naran iha mundu internasional liu liu Timor.
Prezidente Republika apresia ba serbisu G7+ nia neebe durante nee halo iha internasional nomos iha Timor Leste.
Jornalista: Emerenciana Pinto
Editora : Domingas Gomes
