DILI, STLTIMORLESTE.com – Sekretariu Ezekutivu Comunidade dos Paises de Lingua Portuguesa (CPLP), Zacarias da Costa Albano relata atividade neebe mak durante nee halao nuudar Sekretariu Ezekutivu ba Prezidente Republika (PR) Jose Ramos Horta.
Bainhira remata hasoru malu, Sekretariu Ezekutivu CPLP, Zacarias da Costa Albano ba jornalista sira iha Palasiu Prezidensial Nikolao Lobato, Bairo Pite, Sesta (27/06/2026) hatete, nee enkontru ikus hodi hatoo agradese ba Prezidente nomos Governu neebe fo ona konfiansa ba nia hodi halao mandatu nuudar Sekretariu Ezekutivu CPLP, no nia mandatu remata iha fulan Julhu tinan nee.
“Nee enkontru ikus nuudar Sekretariu Ezekutivu ba CPLP nomos agradese ba Prezidente nia konfiansa neebe autoridade husi Timorense depozita ba hau atu servi ita nia CPLP nuudar sekretariu ezekutivu durante tinan 4, durante mandatu rua iha Julhu hau hakotu ona madatu, hau mai halo balansu ida, hau hanoin pozitivu haree ba kestaun barak-barak haree ba situasaun barak ke halo atividade barak konsege alkansa, hau hahu hanesan ita hotu hatene iha tempu neebe difisil sei Covid-19 nia laran, depois hakotu Covid-19 tama Prezidensia Angolana hau simu pose nuudar Sekretariu Ezekutivu iha Luanda naturalmente 2 anos intensus, servisu barak tanba tinan 3 CPLP paradu la halao tanba Covid-19,” katak nia.
Sekretariu Ezekutivu hatete, iha momentu neeba objetivu boot rua konsege duni selebrasaun asinatura sobre mobilidade neebe hetan ratifikasaun husi estadu membru CPLP iha tempu rekor 15 mezes ratifika depois hahu pilar ekonomiku quartu pilar objetivu jeral sobre ekonomia kooperasaun ekomoniku emprezarial neebe halao mos.
“Hau mos dehan ba Prezidente katak, aleinde objetivu rua neebe alkansa duni para kontinua servisu nafatin tenke kontinua mandatu Sekretariu Ezekutivu foun, internamente mos knaar boot ida neebe ami halao re-estruturasaun sekretariadu CPLP nia, ita kuandu tama iha organizasaun ida ita hakarak halo reforma naturalmente ita ulun moras buat barak, mais hanesan hau dehan buat barak mak paradu hela durante tinan barak naturalmente ke presiza halao, presiza halo reforma reve regulamentu,” dehan Albano.
Nia hatete, ohin nia sente katak sai ho prosesu kompletu re estrutura sekretariu nia, no sira hahu rekrutamentu ona no aplika ona prinsipiu de reprezentatividade ekuitativa estadu membru nia organizasaun.
Tinan oin estadu membru sira bele aumenta sira nia kontribuisaun obrigatoriu too 27%, nunee mos bele haree ba reformas halo iha organizasaun nia laran ajustamentu de salariu kria kondisaun ba funsionariu sira no naturalmente fo liu motivasaun bele servisu ba komunidade CPLP.
Iha hasoru malu nee koalia mos kona-ba simeira neebe sei halao iha 18 Julhu iha Bisau simeira Xefe Estadu I Governu no haree mos oinsa mak CPLP bele servisu hamutuk ho ASEAN tanba TL mos atu tama ASEAN iha fulan Outubru ida nee, importante tebes ba TL hanesan nasaun CPLP.
Nia hasoru Prezidente hatoo mos nia rekonhesimentu ba konfiansa neebe TL fo ba nia no halao knaar tuir buat neebe depozita, agora tinan 4 ona no mai fo sai fali servisu neebe halao. Kontente fila mai Timor tanba kumpri ona knaar.
Karik Governu iha posibilidade extende mandatu karik husi ita nia parte oinsa hatan ba kestaun nee, Sekretariu Ezekutivu CPLP Albano dehan, laiha posiblidade extende tanba mandatu so bele extende dala ida, nia mandatu dala rua ona tanba nee tenke entrega fali ba nasaun seluk tempu agora Angola nia.
Prezidente Republika Jose Ramos Horta sempre simu hanoin tomak neebe mak hatoo husi Sekretariu Ezekutivu ba atividade neebe halao ona iha mandatu.
(eme)
