DILI, STLTIMORLESTE.com – Iha loron 15 Outubru hanesan loron internasional feto rural, iha loron importante nee Prezidente Republika, Jose Ramos Horta hatete, presiza apoiu feto tanba sira nia kontribuisaun makaas iha ekonomia familia.
Prezidente Republika Jose Ramos Horta hatoo kestaun nee ba jornalista sira hafoin vizita Autoridade Munisípiu Dili Kaikoli, Kuarta (15/10/2025).
PR Horta hatete, presiza apoiu inan sira, tanba sira nia kontribuisaun makaas no sofrimentu ho susar ekonomia ba família. Kona-ba oinsa mak atu fo apoiu ba feto sira, oras nee daudaun Governu liu husi Ministeriu relevante liu husi Sekretaria Estadu ba Igualdade halo daudaun inisitiva.
“Inan sira nee mak presiza apoiu liu tan, sira mak kontribui makaas ho sofrimentu ho susar ekonomia ba família. Oinsa bele apoiu sira, buat balun halo daudaun inisitiva,” dehan PR Horta.
Prezidente Republika fo ezemplu iha loron Tersa-feira (15/10/2025) partisipa inan sira rede soru tais nian, nee kadaves boot liu, maibe nee liu husi SEAK-MJDAk bele aloka liu tan inan ka feto sira rural.
Liga ho loron Internasional Feto Rural, Sekretariu Estadu Ba Igualdade (SEI) hamutuk ho Plan realiza loron Internasional ba feto rural, iha Suku Leimea, Postu Administrativu Hatulia A, Munisipiu Ermera, tema ba komemorasaun Loron Internasional feto rural mak investe iha feto rural, nuudar prezervadora ba aihan no natureza dalan ba futuru sustentavel no reziliente.
Jornalista: Emerenciana Pinto
Editor: Xisto Mendonça
