DILI, STLTIMORLESTE.com – Hospital Nasional Guido Valadares (HNGV) liu husi Sentru Matan halao marsa saudavel hodi selebra loron mundial matan no fahe oklu gratuita ba vendedor sira hamutuk 50 resin.
Mediku Oftamolojia, Marcelino Coreira dehan, ohin selebra loron mundial saude matan iha mundo tomak, tanba nee ohin ita halo atividade marsa konjunta departamentu oftamolojia hamutuk ho NGO lokal fuan naroman neebe mak suporta oklu hodi fahe gratuitu ba komunidade sira.
“Ami lao marsa husi loja SEARA Pantai Kelapa, husi neeba mai ami fahe oklu ba ita nia maluk sira neebe mak matan haree la moos, ba sira neebe mak vulneravel ba moras matan nian. Hanesan peskador sira, no sira neebe mak servisu hanesan gardineiru no sira neebe mak las hanesan servisu iha benkel atu proteje sira nia matan ho oklu neebe iha,” hatete Marcelino Coreira ba jornalista sira iha Bidau Licidere, Kinta (09/10/2025).
Nia dehan, husi atividade advokasia ba komunidade sira nee, kona ba oinsa proteje matan tanba matan mak janela mundo nian no kuidadu matan ho diak.
“Aumesmu tempu hanesan advokasia ida ba ita nia komunidade sira katak, matan nee importante oinsa atu proteje diak ita-nia matan, tanba matan nee hanesan janela ba mundu, maibe kuandu ita la kuidadu matan mak ita sei hareee buat hotu nia furak,” nia esplika.
Iha fatin hanesan Pasiente Matan, Eugenio Sarmento informa, loron mundial matan laos loron ohin mak foin hola parte hola oklu maibe NGO naroman durante fasilita hodi foti oklu iha HNGV.
“Oklu kualidade diak uza kleur kompara ho oklu neebe mak sosa iha loja, tanba durante hau problema matan durante tinan rua no durante ba konsulta maibe seidauk opera,” dehan nia.
Nia hatutan, tanba nee nafatin konsulta matan, hodi prevene moras matan sira neebe mak iha.
Jornalista: Jeniche da Costa
Editora: DOmingas Gomes
