DILI, STLTIMORLESTE.com – Servisu Edukasaun Munisipiu (SEM) Ainaro la autoriza profesores nain 2, neebe husu atu muda fali ba sira nian Munisipiu Aileu no Baukau.
Liafuan nee hatoo husi Diretor Servisu Edukasaun Munisipiu Ainaro, Patricio da Costa Magno ba STL liu husi telefone, Kinta (13/02/2025).
“Ita nian profesores nain 2 neebe mak husu muda, sira nee koloka iha faze daruak nian, no sira hanorin seidauk too tinan husu atu muda, nee ita la autoriza. Maibe nee ida rua deit, laos sira hotu-hotu. Hau la fo tanba seidauk too tinan, sira husu muda ho razaun tanba kondisaun saude.
Nia dehan, profesores nain 2 nee hanorin iha Postu Administrativu Maubesi, sira hanorin iha ensinu baziku filial. Foin daudaun nee mak sira husu atu muda, ida husu atu ba fali Munisipiu Baukau no ida seluk atu ba fali Aileu.
Nia hatutan, profesores nain 2 nee feto hotu foin koloka iha fulan Novembru 2024, nee mak husu atu muda fali bá sira nia munisipiu. Nee sei la fo ba sira atu muda, kriteria nee mos la hatete too tinan hira, tanba funsionariu koloka ba neebe deit tenke prontu.
(jac)
