DILI, STLTIMORLESTE.com – Servisu Edukasaun Munisipiu (SEM) Bobonaro husu atu aumenta inspetor ba nivel edukasaun pre eskolar.
Tuir Diretor Servisu Edukasaun MunisÃpiu Bobonaro, Miguel Freitas katak, kona-ba inspetor eskolar nee ensinu pre eskolar iha Bobonaro nee nain rua deit. Kada nain ida kobre postu tolu, nee duni ba oin husu atu bele aumenta tan inspetor ba nivel ensinu pre eskolar ninia, ho nunee sei halo pedidu ba ME.
“Total Inspetores agora daudaun sura ho ensinu baziku, sekundariu no tekvo, nee hamutuk 11. Ami husu se bele aumenta inspetor nain rua ba pre eskolar nomos bainhira halo monitorizasaun ba eskola sira, nee presiza transporte hanesan motorizada,” dehan Miguel ba STL liu husi telefone, Kinta (13/11/2025).
Iha fatin seluk, Superintendente Edukasaun Munisipiu Dili, Cesarina Correia Guterres dehan, normalmente kuandu inspetor ka inspetora sira hetan dezafiu ou hasoru erru sira koko rezolve no hatoo rezultadu ba nia, maibe kuandu erru ruma inspetor ou inspetora sira sente la bele rezolve mesak entaun sira informa ba nia, para sira kria fali ekipa hodi tun ba eskola atu enkontru ho eskola, signifika katak sira halo prevensaun.
“Hau hakarak atu informa katak atividade monitorizasaun husi ita nian inspetor ka inspetora sira lao normal hanesan baibain, tantu atividade merenda eskolar nomos prosesu aprendizajen lao diak. Inspetor ka inspetora sira nia servisu iha rutina, loron-loron maibe eskola barak sira la permanente iha eskola ida,” nia esplika
Nunee mos Diretor Servisu Edukasaun Munisipiu Manatuto, Patricio da Cruz Quintao hatete, inspetor sira halo inspesaun nee ba atividades prosesu aprendizajen, prezensa profesor sira, merenda eskolar, konsesaun eskolar, nee duni inspetor sira halo kontrolu ba asuntu hirak neebe ohin mensiona.
Jornalista: Jacinta Sequeira
Ediora: Domingas Gomes
