DILI, STLTIMORLESTE.com – Servisu Edukasaun Munisipiu (SEM) Bobonaro sei kontinua rekolha dadus estudantes neebe mak la partisipa iha ezame nasional.
Diretor Servisu Edukasaun Munisípiu Bobonaro, Miguel Freitas katak, rezultadu provizoriu, liu-liu ba estudantes neebe mak la partisipa iha ezame nasional ninia. Iha nee ensinu baziku neebe mak sira nian pontus ezame hatama hotu ona, mane iha 945, feto 1021. Total 1,966, nain 9 mak la partisipa iha ezame nasional, mane 5 no feto nain 4.
“Hau atu fo rezultadu provizoriu, liu-liu ba ita nian estudantes neebe mak la partisipa iha ezame nasional nian. Iha nee ensinu baziku neebe mak sira nian pontus ezame hatama hotu ona nee mane iha 945, feto 1021. Total 1,966, nain 9 mak la partisipa iha ezame nasional, mane 5 no feto nain 4. Maibe dadus ida nee sei provizoriu, tanba ami sei kontinua rekoila dadus estudantes iha eskola sira neebe mak lokaliza iha Munisipiu Bobonaro,” dehan Diretor nee ba STL liu husi telefone, Kinta (23/10/2025).
Miguel hatete, dadus husi ensinu tekvo nian provizoriamente mane iha 232, feto 162, hamutuk 394. Sira neebe la partisipa iha ezame nasional nee nain 9, mane 5 no feto nain 4.
Total estudantes husi ensinu baziku 1,964, ensinu sekundariu jeral 1,616. Hamutuk 3,968.
Iha parte seluk Diretor Servisu Edukasaun Munisípiu Liquica, Julio da Silva dehan, konaba estudantes partisipa ou la partisipa iha ezame nasional nee, dadus seidauk bele hatene lolos,maibe dadus provizoriu nain ida deit mak la partisipa iha ezame nasional.
Jornalista: Jacinta Sequeira
Editora: Domingas Gomes
