DILI,STLTIMORLESTE.com – Tinan ida nee Servisu Edukasaun Munisipiu (SEM) Dili alista ona profesores hamutuk 300 resin neebe idade avansadu ona.
“Hau hanoin ita nian profesores Munisipiu Dili ninia ita alista hotu ona, maibe kada fulan nee dadus reforma ninia sempre aumenta, neebe ita liga ba iha profesores idade avansadu ninia, ohin ita bele koalia ida no aban bele sira nian idade aumenta tan, nee numeru reforma ninia mos bele aumenta tan, Munisipiu Dili ninia ita rejistu ona 300 resin, nee ita rejistu ba tinan ida nee nian,” haktuir Diretor Edukasaun Munisipiu Dili, Sabino Perreira ba STL iha EBC Manleuana, Segunda nee (14/10/2024).
Nia dehan, dadus profesores idade reforma husi Munisipiu Dili ninia hamutuk 300 resin neebe mak rejistu iha tinan ida nee, nee hahu husi nivel pre eskolar, sekundariu jeral no ensinu tekniku vokasional ninia.
(jac)
