DILI, STLTIMORLESTE.com – Servisu Edukasaun Munisipiu (SEM) Likisa halo observasaun ezame nasional ba eskola hirak neebe lokaliza iha munisipiu refere.
Asuntu nee hatoo husi Diretor Servisu Edukasaun Munisipiu Likisa, Julio da Silva ba STL liu husi telephone, Kuarta nee (16/10/2024).
“Hau hanoin ezame nasional iha eskola sira Munisipiu Likisa lao diak hela hanesan baibain, laiha problema. Ita nian estudantes baziku sira Ezame Nasional hotu ona, no hein deit sekundariu aban mak foin remata, aban sekundariu nee ba materia ida deit, nee ba materia tetum deit, ita iha sentru nee mak 24, baziku 14, sekundariu jeral 8, tekvo rua,” nia esplika.
Julio akresenta, nuudar diretor eskola halo observasaun ezame nasional nee ba eskola sira, liu-liu eskola neebe lokaliza iha Munisipiu Likisa nia laran, iha observasaun nee ezame lao diak iha eskola sira, kada sala estudantes 20 no profesores sira halo vizilansia neebe mak diak ba eskola idak-idak.
Iha fatin seluk, Diretor Edukasaun Munisipiu Manatuto, Patricio da Cruz Quintao hatete, ezame nasional sei lao ho diak, no profesores idak-idak halo vizilansia ba eskola sira, estudantes sira sei partisipa masimu iha ezame nasional no ezame lokal.
(eme)
