DILI, STLTIMORLESTE.com – Ministru Justisa, Sergio Hornai hatete, maske mandatu Prokurador Jeral Republika (PJR) remata ona, maibe ema neebe atu hili, kompetensia Prezidente Republika Jose Ramos Horta.
Ministru Justisa Sergio Hornai hatoo lia hirak nee ba jornalista sira bainhira remata halo enkontru ho Prezidente Republika Jose Ramos Horta iha Palasiu Prezidensia Republika Nikolao Lobato, Bairo Pite, Segunda (12/05/2025).
Ministru Justisa dehan, ohin hasoru malu ho Prezidente Republika la koalia kona-ba atu hili Prokurador Jeral Republika foun, tanba ema neebe mak iha kompetensia atu hili no posse nee Prezidente Republika.
“Hau la koalia asuntu ida nee, hau hanoin ida nee kompetensia husi Prezidente Republika nia konsulta teknika konserteza ami hanesan Governante hatoo ona ba iha sua exelensia Prezidente Republika, no Prezidente Republika sei ezerse ninia funsaun politika konstitusionalmente atu bele foti desizaun, tanba ida nee kompetensia absoluta Prezidente Republika nia, Governu so apenas providensia medidas balun neebe haree hodi Prezidente atu bele iha opsoens no desizaun proporiu atu iha liberdade eskolha hodi halo desizaun politika nia,” katak Ministru Justisa.
Prezidente Republika Jose Ramos Horta hatete, Prokurador Jeral Republika ema neebe servisu obedese ba konstituisaun no indepedente, tanba nee bainhira mandatu remata Prezidente Republika sei koalia ho UX Governu Konstitusional hodi inklina Alfonso iha Ministeriu Justisa nia.
Aleinde nee Prokurador Jeral Republika, Alfonso Lopez hatete, tuir estatutu Konselhu Superior Majistratura Ministeriu Publiku maske atual PJR nia mandatu termina ona iha 29 abril 2025, maibe kuandu seidauk iha PJR foun, Prokurador atual kontinua asumi kargu referidu too hetan nomeasaun foun.
Nunee mos estatutu Konsellu Superior Majistradu Ministeriu Publiku numeru 7/2022 19 Maiu alterasaun daruak iha artigu 26 numeru 5 hatete PJR mandate remata Kuandu Prezidente Republika nomea ona fo posse ba PJR foun.
(eme)
