DILI, STLTIMORLESTE.com – Jurista Timoroan konsidera katak, importante atu kria lei rekooperasaun ativa, atu halo manajementu kona-ba objetu aprendidu sira, tanba nee konsidera lei nee importante.
“Ida nee importante, tanba lei ida nee atu halo aprensaun ba objeitu aprendidu sira,” dehan Jurista Sergio Dias Quintas ba STL iha Tribunal Primera Instansia, Dili, Kaikoli, Tersa (17/12/2024).
Nia hatutan, lei nee liga ba ema neebe pratika krimi transnasional, korupsaun, terorizmu, brankamentu kapital, krime sira neebe afeta ba nasaun nia vida.
Ezemplu, objetu apendidu hanesan osan, kilat bazeia ba lei nee prende objetu sira nee, no osan bazeia ba lei nee bele fo fila fali ba Estadu atu utiliza.
Konsidera lei nee importante tebes atu defini lo-loos kona-ba objetu aprendidu nia utilizasaun, depois krimi nee hotu atu utiliza osan nee ba saida. Tanba se osan sai hanesan meius prova ida hodi autoridade judisial hanesan Ministeriu Publiku prende liu husi mandadu judisial, no objetu ida nee bele sai hanesan estadu nian no estadu bele utiliza depois prosesu justisa nee hotu.
Iha fatin ketak, antes nee Prokurador Jeral Republika, Alfonso Lopez dehan, agora iha esbosu draf ida iha Ministeriu Justisa depois sei haree, tanba atu halo aprensaun ba objetu mai husi produtu krimi hanesan, balu kontra bandu liu husi Autoridade Alfandega ilegal barak, hanesan karreta motorizada mina ida nee tenke prezerva tenke guarda iha fatin ida neebe seguru.
“Agora lei ida kona-ba rekooperasaun aktiva tenke iha fatin ida atu prezerva, depois valida mak Tribunal foin desidi atu devolve ba nain bele mos destrui kuandu evidensia balu perigozu, balu bele monu ba Estadu maibe kondisaun tenke diak,” dehan PJR, Alfonso.
Aleinde nee, Komisariu KAK Rui Pereira dos Santos husu ba Governu atu bele inisia projetu lei rekooperasaun ativa.
“Hau dehan katak ita nia prevensaun ba kombate korupasaun nee marka pasu pozitivu, tanba ita iha ona lei MPCC. Agora buat neebe ita presiza kompete mak lei kona-ba asset recovery ka lei kona-ba rekuperasaun ativa, kuandu ita dada koruptor too Tribunal ita bele sita nia aset sira nee, se lei nee la iha difisil atu halo ida nee,” dehan nia.
(ter)
