DILI, STLTIMORLESTE.com – Ministru Justisa, Sergio Hornai hatete, servisu arendamentu lao hela, no presiza estabelese tan baze de dadus hodi rejista arendatariu sira.
“Arendamentu lao hela, Diretor Jeral ho nia Ekipa Xefe Arendamentu ho nia estrutura Diretor Jeral arendamentu halao hela servisu, servisu neebe halo hahu husi Diretor Jeral sira too iha Xefe Unidade arendamentu bens e moves no Diresaun Nasional Terras Propriedade no Diresaun Nasional Servisu Kadastrais sira halo hela servisu,” dehan Ministru Justisa, Sergio ba jornalista sira iha Kaikoli, Dili, Kuarta (22/01/2025).
Governante nee hatutan, tempu sira besik mai sei atribui kompetensia balu neebe hetan daudaun supervizaun husi Sekretariu Estadu, maibe la kleur tan iha kompetensia balu nebee sei atribui iha materia konkretu, liu-liu ba iha servisu kadastrais nian presiza iha atensaun makaas ba iha baze de dadus sei halo atribuisaun ba servisu balu iha Sekretariu Estadu atu bele halo supervizaun.
Tanba iha arendamentu balu sei ajusta hela atu bele atribui mos kompetensia balu atu haree daudaun, oinsa mak haree arendamentu sira neebe iha kazu sira neebe rejista, maibe iha intorupsaun tanba prosesu pagamentu sira la lao, presiza halo normalizasaun, halo notifika ba arendatariu sira atu kumpri sira nia dever.
Nunee presiza estabelese baze de dadus ida atu rejista kona-ba arendatariu sira husi nivel nasional too iha munisipiu atu ita hotu kontribui ba ita nia reseitas, oituan atu bele substitui fali buat balu ho arendamentu neebe hetan.
Iha fatin ketak, Akademiku UNTL, Sebastião dos Santos dehan, servisu arendamentu importante tebes, atu nunee arendateriu sira bele hatama reseitas ba ita nia Estadu.
“Importante servisu nee kontinua lao, atu arendatariu sira bele kontinua hatama reseita tuir akoradu nebee iha,” dehan nia.
(ter)
