DILI, STLTIMORLESTE.com – Setor Privadu sia (9) husi nasaun Thailandia tempu badak sei mai investe iha Timor-Leste (TL), iha setor turizmu, agrikultura, hospitalidade foka liu ba iha hahan.
“Ohin ami hasoru Prezidente Câmara Comércio Indústria Timor Leste ( CCI-TL), Jorge Manuel Serrano ho nia ekipa hodi diskute no aprezenta saida mak ami mai atu investe iha Timor Leste mak setor industria, turizmu, agrikultura”, hatete Bussines Strategy Develoment Jagota Brothers Go .Ltd, Sunil Jagota ba jornalista sira iha Sala Reuniaun Prezidente CCI-TL Acait, Seste nee (30/05/2025).
Reprezentante setor privadu Tailandia ne’e konta, objetivu husi enkontru ohin, emprezariu 9 atu aprezenta setor importante hodi mai investe iha Timor Leste, setor hospitalidade ne’e ba restaurante foka liu ba hahan hotel, nee sai potensial importante sira atu mai investe iha TL.
Tanba nee iha diskusaun ohin kada emprezariu 9 nee mai aprezenta sira nia negosiu iha area idak-idak no sira fila ba Tailandia trata uluk dokumentu rai nian no sertifikadu produtu nian fila mai ìha Timor Leste sosa rai hodi halo investimentu.
Bainhira mak atu investe iha TL sei prosesu, tanba sei koalia ho Ministeriu Justisa oinsa atu hetan rai hodi halo investimentu, fatin neebe hetan seguru hodi halao atividade iha rai laran, tanba nee primeiru tenke trata dokumentus buat hotu sai legal mak investe.
Ho objetivu ida oinsa fo servisu ba Timoroan sira, tanba kampu servisu minimu ba area neebe sira servisu ba, hetan osan sustenta ba nesesidade familia nian.
Tanba dezempregu iha rai laran barak, nunee laos investe iha setor turizmu deit, maibe iha mos agrikultura, tanba Timor potensia boot ida ba setor ida nee, hodi ajuda Timoroan hetan servisu husi area refere.
Iha fatin seluk, Visi Prezidente CCI-TL ba Promoção e Cooperação, Hergui Luina Fernandes Alves informa, konversa ida oin atu haree liu ba area neebé sira atu investe iha Timor, nomos posibilidade atu promove parseriahanesan papel Câmara Comércio nian, para bele promove parseria iha TL nomos apoiu setor privadu sira liu-liu haree liu ba ambiente negosiu TL.
“Tanba nee husi diskusaun ida ohin too iha konkluzaun katak, ita sei asaun full up parte ida husi adezaun ita nia ba ASEAN, katak ita tempu ona loke odamatan para promove parseria entre emprezariu sira husi nasaun ASEAN nian, ita hahu Thailandia ohin tur iha mesa halo diskusaun para area estratejiku sira oportunidade atu halo investimentu no promove parseiria,” hatete nia.
Nia informa, iha enkontru nee partisipa husi emprezariu 9 mak mai hamutuk ho delegasaun husi Embaixada Thailandia nian nomos Konselhu Timor nian iha Thailandia, promosaun ida nee bele esplora oportunidade ba iha industria sira.
Tanba area neebe sira investe iha agrikultura nian para atu bele identifika komudite seluk aleinde kafe neebe sai ita nia potensialidade halo investimentu iha mos interese ba area peskas nia atu iha formal peskas no koalia kona-ba industria nomos sertifikasaun sira no koalia prosesamentu valor adisional ba iha produtu ai-haan nian, ikus mak haree importasaun no eskportasaun ba produtu sira neebe mak bele iha posibilidade mai husi Thailandia.
(joa)
