DILI, STLTIMORLESTE.com – Reprezentante povu iha Parlamentu Nasional (PN) husu sidadaun hotu halao viajen ba mai atu selebra loron boot, tenke halai ho kuidadu, nunee bele too fatin ho diak.
“Husu mos inan aman atu kontrola oan sira, atu labele halo buat arbiru, bainhira hemu lanu tuur hamatek iha uma, ita selebra loron boot ho kontente, maibe tenke kuidadu ita nia saude, nunee ita bele moris ba nafatin, ita halao viajen mos tenke ho koidadu no velosidade neineik”, katak Xefe Bankada CNRT, Duarte Nunes ba STL, Sesta (27/12/2024).
Nia dehan, bainhira viajen tenke lao ho diak, too iha dalan bainhira hasoru malu, tenke respeita malu, hase malu.
Aleinde nee husu ba sidadaun hotu atu kontrola transporte di-diak, haree kondisaun transporte tantu karreta ka motor tenke haree kondisaun ho diak, nunee viajen mos ho diak, lao mos tenke ho orasaun, nunee viajen too fatin ho kondisaun neebe diak.
(gui)
