BAUKAU, STLTIMORLESTE.com – Sidadaun ida ho naran Jacinto Gomes, idade 68, lakon iha Mota Wee Liurai Hasan Luka, Postu Administrativu Vikeke.
Komadante Autoridade Protesaun Sivil Munisipiu Vikeke, Cerilo Soares Gomes haktuir, informasaun neebe Autoridade Protesaun Sivil simu husi Xefe Aldeia Iramer, Suku Luka katak, akontesimentu refere akontese iha loron 11 Junhu nee pur-volta tuku 06:00 dader, vitima Jacinto Gomes ba Mota Wee Liurai objetivu buka ikan maibe lakon, deskonfia tata husi Lafaek.
Hafoin simu informasaun parte Autoridade Protesaun Sivil Munisipiu Vikeke hamutuk ho parte seguransa Polisia Munisipiu Vikeke inklui komunidade no familia vitima buka tuir iha fatin akontesimentu, maibe too ohin loron seidauk hetan vitima refere.
“Buka tuir hahu loron akontese dia 11-12, durante loron rua ona maibe seidauk hetan,” informa Cerilo Soares Gomes ba jornalista STL liu husi telefone, Sesta (13/06/2025).
Entretantu daudaun parte familia hamutuk ho entidades sira kontinua buka tuir vitima refere.
(tom)
