DILI, STLTIMORLESTE.com – Liga ho kazu sidadaun Republika Indonezia (RI) ida neebe falsifika dokumentus hodi simu aman nia pensaun veteranus oras nee Governu entrega ona Ministru Assuntu Kombatente libertasaun Nasional (MAKLN).
Lia hirak nee hatoo husi Primeiru Ministru (PM) Kay Rala Xanana Gusmão ba jornalista sira, bainhira remata halo enkontru ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Kinta (08/01/2026).
PM hatete, liga ho kazu sidadaun ida falsifika dokumentus daudaun nee Governu entrega ona ba MAKLN hodi haree.
Aleinde nee oinsa Primeiru Ministru nia haree ba sidadaun Indonezia neebe mak falsifika dokumentus mai hetan aman nia pensaun veteranus, hatan ba kestaun nee Primeiru Ministru hatete, “nee por a kazu ita boot nia Xefe horiseik hatama ona iha neeba, ami entrega tiha ona ba iha Ministru Veteranus, hau labele rezolve buat hotu-hotu,” dehan Primeiru Ministru.
Reportajen: Emerenciana Pinto
