DILI, STLTIMORLESTE.com – Bainhira hasoru Jesus Kristu Maromak oan neebe halo aan sai ema frutus, importante mak ema moris hahi ba Maromak iha moris tomak.
Lia hirak nee hatoo husi Padre Richardo Pasang, SVD liu husi refleksaun ba loron kinta (26/12/2024) katak, “mai agora ita lao ba Belem Luc 2:15”.
Padre Richardo dehan, liafuan ida nee relasaun ho bibi atan sira neebe hetan liafoun kona-ba Jesus Kristu nia moris iha Belem. Wainhira sira hetan liafoun ida nee, sira desidi atu lao ba Belem.
“Perguntas refletivu ba ita hotu nebe agora daudaun selebra festa Natal atu halo saida iha Belem, Nia resposta, klaru katak atu hasoru ho Jesus Kosok Oan neebe moris iha fatin neeba. Frustus saida valor saida husi enkontru ho Jesus, frutus saida husi sira nia ezistensia hamutuk ho Jesus iha Belem? Hatoo mai ita iha istoria Evangelhu katak, wainhira sira fila husi Belem, sira hananu hodi hanai Nai Maromak, hateten ‘Hawelok Maromak iha lalehan tutun hakmatek iha rai-klaran ba ema sira be Maromak hadomi,” dehan Pe.
Pe dehan iha istoria nunee, bele kaer netik mensajen importante. Wainhira hasoru Jesus Kristu, Maromak Oan neebe halo aan sai ema, frutus ida neebe importante liu mak ema nia moris sai hahi ida ba Maromak no ema moris tomak atu hahi Maromak nia gloria. Ida nee mak tuir doutrina Igreja Katolika katak, Maromak kria ema atu hahi no hawelok Maromak. Wainhira ema ida,” ita boot no hau too ba perspektiva nunee, mak dalan neebe ita atu halo mak esforsu-an atu ita nia moris dirigido (diarahkan) ba objetivu hodi hahi no hawelok Maromak nia gloria. Atu resposta ba perguntas saida mak hau tenke halo atu hau nia moris bele sai hahi ida ba Maromak nia gloria,” katak Padre.
Atu hahi no hawelok Maromak, serteza iha espresaun verbal no asaun konkretu. Espresaun ida atu hahi no hawelok Maromak mak liu husi ema nia selebrasaun eukaristia Natal ida nee. Maibe, selebrasaun eukaristia deit, la too! Hahi no hawelok Maromak, inspira ema atu sai ema integridade, no konsiente lo-loos nuudar ema, kriasaun glorioso Maromak nian. Liafuan murak ida husi Latina dehan GLORIA DEI VIVENS COMU Nai nia gloria katak iha ema neebe moris! Ema moris konsiente katak nia kriasaun Maromak neebe hatene-an no responsabilidade atu halao nia moris tuir Maromak nia hakarak nuudar kriasaun espesial.
“Maluk doben sira atu harii moris nuudar kriasaun espesial no tuir Maromak nia hakarak liu husi maneira oi-oin. Dalan ida atu bele harii ita nia moris nuudar kriasaun glorioso, mak fanu no fo hanoin fila-fali lema boot Visitasaun Papa Fransisco iha Asia no mos iha rai doben ida nee fiar, Fraternidade no kompaisau espesialmente iha rai doben ida nee: Que a Vossa Fe, Seja a Vossa Cultura. Fiar presiza espresaun, percisa ita espresa. Maibe, fiar presiza implementa ho asaun konkretu. Espresaun fiar neebe sai indikador katak ita nia fiar moris no metin wainhira ita hakarak ho fuan no laran tomak atu harii fraternidade, unidade iha moris familia, sosiedade! Fraternidade, domin, unidade, tenke sai hanesan kultura neebe ita kuidadu, ita konserva, hametin atu keta lakon, keta rahun tan influensia modernu ho Dezenvolvimentu teknolojia multimedia. Se ema ida hateten katak nia ema fiar nain duni, maibe nia sempre halo konflitu iha fatin-fatin, sai trouble maker (autor konflitu) maka iha perguntas boot nia ema fiar nain duni ka lae, ita fiar sai kultura ka lae?” Katak Pe.
Indikador fraternidade verdadeiro mak lompaisaun (bela rasa). Wainhira ema ida hateten katak nia harii fraternidade maibe nia la hamoris sentimento kompaisaun iha nia aan mak fraternidade sai perguntas boot fraternidade neebe nia harii mai husi fuan sinceru no verdadeiro ou nakonu ho interese pesoal no grupu. Nee duni, enkontru ho Maromak, enkontru ho Jesus Kristu iha Belem hatudu katak ita iha fiar nebe ita espresa ho presensa iha selebrasaun Natal kalan ida nee maibe Ema nia fiar neebe lori ema mai iha kalan ida ne, tenke hatudu mos iha asaun konkretu hodi harii fraternidade no unidade iha nia moris pesoal, familia no sosiedade.
“Frutus husi ita nia fraternidade no unidade mak kompaisaun (bela rasa) katak hadomi malu, tulun malu, respeita malu, etc. Tan nee, enkontru ho Maromak, enkontro ho Nai Jesus kristo iha Belem laos so problema fatin maibe enkontru ida nee halo ita moris no metin liu tan iha ita nia fiar, metin no moris liu tan iha fraternidade no moris no metin iha kompaisaun Liu fali ida nee (selain itu) Jesus moris iha Belem ba ita ema kristaun katolika, Jesus mak ita nia Bibi Atan, ita nia Lider Suprema Spiritual neebe hatudu lo-loos, Nai neebe nakonu ho kompaisaun. Nia la hatudu aan nuudar lider mundu nian, Nia la hatudu nia pozisaun altu nuudar Maromak Oan. Jesus Kristo hatudu aan nuudar Bibi Atan neebe nakonu ho lompaisaun neebe moris iha bibi luhan simples, moris hanesan ita. Sente buat neebe ita sente! Jesus la buka gengsi maibe Nia mai atu servi. Nia sai Lider nebe pronto atu servi,” dehan Pe Richardo.
Tanba nee mai agora lao ba Belem ho esperansa katak, ema hotu neebe selebra festa Natal nia an, familia ida-idak, bairo idak-idak, sosiedade, parokia no nasaun Timor Leste sai ‘Belem’ neebe nakonu ho naroman nabilan Jesus moris iha Belem neebe lori ema hotu ho esperansa atu imsai Belem furak, naroman ba nia aan, sai belem ba nia familia, sai belem ba nia bairo, belem furak, naroman ba nia sosiedade, no nasaun ida nee.
Maluk doben sira Ho Jesus Kristu nia moris iha Belem, mai hotu hotu lao ba hodi hahi no hawelok Maromak nia ezistensia gloria hodi inspira ema hotu; lao ba nia uma idak-idak sai Belem atu metin iha fiar, nakonu ho dame, nakonu ho naroman, nakonu ho domin, nakonu ho fraternidade neebe hatene hatene atu tulun malu, ajuda malu nuudar maun-alin iha nia moris hamutuk.
(eme)
