DILI, STLTIMORLESTE.com – Sekretariu Estadu Komunikasaun Sosial (SEKOMS), Expedito Dias hatete, Singapura rekomenda Timor Leste (TL) hadia uluk Internet, molok estabelese reprezentasaun Google no YouTube iha TL.
Nia dehan, prosesu atu estabelese reprezentasaun Google no YouTube iha Timor Leste nee tanba iha espetativa joven barak neebe husu oinsa governu bele esforsu makaas, hodi estabelese reprezentasaun Google no YouTube iha Timor Leste.
“Esforsu nee ami halo hela hamutuk ho TIC Timor no ami ba ona Singapura koalia ona ho Google sentral Singapura no sira mos fo rekezitus balun,” dehan Expedito ba STL iha Farol, Dili, Kinta (14/11/2024).
Singapura tuir nia fo rekezitu balu prinsipal mak Internet, tanba nee mak governu esforsu hela fibra óptika neebe mak agora lao prosesu atu hotu ona.
“Koneksaun nee liga husi Timor Leste too ona Darwin, hein katak masimu tinan oin ita nia fibra óptika nee bele funsiona,” katak nia.
Nia dehan, ida nee mak rekezitu neebe Google no YouTube fo, hodi estabelese sira nia rekomendasaun iha Timor Leste neebe prosesu sei lao hela.
(mar)
