DILI, STLTIMORLESTE.com – Profesores iha eskola hotelaria no turizmu Bekora, 10% hanorin la tuir sira nian area estudu, tanba situasaun mak obriga.
Preokupasaun nee hatoo husi Carles Fatima Guterres, nuudar Adjuntu Diretor Eskola Hotelaria no Turizmu Bekora ba STL, Tersa nee (07/01/2025).
“Ita iha 10% neebe ita nian profesores balun hanorin la tuir sira nian area de estudu, nee tanba situasaun mak obriga, neebe hirak neebe hanorin la tuir sira nian area nee ninia pursentu nee kiik, kuaze maioria, hanesan ohin hau sita ona katak 90% nunee hanorin tuir sira nian area estudu, iha tan 10% nunee, maibe nee tanba situasaun mak obriga,” nia deklara.
Iha fatin seluk, Fernando Mouzinho Gama hanesan Diretor Nasional Ensinu Sekundariu no Tekniku Vokasional dehan, loos duni profesores balu neebe hanorin iha tekvo nee la tuir area, ho ida nee fo formasaun ba profesores sira iha tekvo nee, formasaun ba area produtivu ninia, nee profesores iha tekvo nee bele partisipa hotu iha formasaun, nee duni agora daudaun formasaun nee lao hela, no tinan oin sei kontinua nafatin.
(jac)
One Response
Sei dehan ona situasaun mak obriga oinsa Ita boot Sira atu halo mudansa? Ita boot Sira “pasra ba kondisi”? How to change the world? If you surrender to the conditions?As an education promoter, you must have the courage to think, use your brain, not complain.Dare to think, don’t be a coward.