DILI, STLTIMORLESTE.com – Situasaun atual iha Portugal daudaun nee Prezidente Republika Portugal, Marcelo Rebelo disolve Parlamentu Nasional hodi hakat ba eleisaun antisipada, neebe sei realiza iha loron 18 fulan Maiu, ho situasaun nee sei la afeta program Governu Português nian iha Timor Leste (TL).
Liafuan nee haktuir husi Embaixadora Portugal ba TL, Manuela Bairos ba jornalista sira bainhira remata akompanha Komandante Jeral Guarda Nasional Republikana Portugal, Rui Alberto Ribeiro, hasoru malu ho Prezidente Republika Jose Ramos Horta iha Palasiu Prezidensial Nicolao Lobato, Bairo Pite, Segunda (24/03/2025).
Embaixadora nee dehan, maske Prezidente Republika Portugal, Marcelo Rebelo disolve Parlamentu Nasional hodi hakat ba eleisaun antisipada neebe sei realiza iha loron 18 fulan Maiu, maibe la afeta programa Governu Português nian neebe halao iha TL.
“Programa sira iha nee bazeia ba kooperasaun husi Institutu Camões kooperasaun sektoral la afetadu oituan husi situasaun polítika. Kooperasaun ho Timor Lorosae durante nee bazeia ba kontinuidade, mezmu ho mudansa iha nivel politika, kooperasaun iha area prioridade sira neebe ita dezenvolve ona iha Timor Lorosae la afetadu,” dehan Embaixadora nee.
Nia katak, maske Governu Português monu maibe sei la fo impaktu ba programa sira neebe mak implementa ona iha TL durante nee.
(eme)
