DILI, STLTIMORLESTE.com – Hahu husi loron 12 too 18 fulan Janeiru tinan 2026, situasaun seguransa nasionál jeralmente lao diak, mezmu akontese insidente no asidente balun, maibe la perturba situasaun orden públiku iha rai laran.
“Ita haree situasaun lao diak, nasionál jeralmente lao diak, mezmu akontese insidente no asidente iha teritoriu nasional Timor Leste laran tomak, balun mas la perturba situasaun orden públiku,” hateke Portavóz Seguransa Ministériu Interiór (MI), Superintendente Assistente Polísia Mouzinho Correia ba jornalista sira liu husi Konferensia Imprensa iha Edfisiu MI, Dili, Kinta (22/01/2026).
Nia dehan, situasaun nee konsidera estável tanba esforsu husi autoridade seguransa no servisu hamutuk ho komunidade sira, joven, estundante no ema hotu-hotu.
Nia informa, situasaun jerál seguransa iha rai laran, iha periodu refere mezmu iha insidente no asidente balun neebe akontese iha teritóriu nasional maibe estavel.
“Ita haree insidente top 5 ba insidente nee nian viololénsia doméstika sei okupa fatin dahuluk hp 17, asaltu 17, furtu 5, asaltu seksuál 3 no estragu ba propiedade 2,” nia deklara.
Superintendente Assistente Polísia Mouzinho Correia hatutan, Munisipiu Dili nafatin rejistu kazu insidente barak liu komparasaun ho munispiu sira seluk, tanba nee total krime akontese semana refere 36, krime neebe husu top 5 nee ofensa ba integridade simples nafatin okupa fatin dahuluk.
“Ita haree relatóriu top 5 insidente semanál husi munisípiu hamutuk 44. Total krime top 5 hanesan ofensa ba integridade simples 19, maus tratus ba kónjuje 7, furtu agravadu 4, danu ho violénsia 3, danu simples 3,” nia deklara.
Entretantu Komparasaun relatóriu top 5 krime semanal nee Munisipiu Dili nafatin aas, por munisípiu husi loron 12 too loron 18 fulan Janeiru 2026 ho totál 36.
(jen)
