DILI, STLTIMORLESTE.com – Tribunal Judisial Primeira Instansia (TJPI) Dili, aplika medida prizaun preventiva (PP) ba arguidu inisial CC, tanba lori sasan kroat sona VR (lezadu) nia kidan iha Tasi Tolu. Kazu nee akontese iha loron 26 Abril 2025.
Maibe medida PP ba arguidu, defeza ba kazu nee lakonkorda no sei halo rekursu, hatete Defensor Publiku, Jose Maria Guterres ba jornalista iha Tribunal Dili, Tersa (29/4/2025).
Nia hatete, relasiona ho kazu nee, Ministeriu Publiku (MP) promove krime rua ba tribunal. Ida mak Homesidu no Forma Tentada (Artigu 138 Kodiku Penal). Rua, krime Arma Branka (tuir Lei Nu. 5/2017).
Iha alegasaun, tribunal aplika medida PP, tanba arguidu nia hahalok perigu da fuga. Iha mos kontinuasaun ba krime no ameasadu ba trankualidade publiku. Entretantu, defeza parte husu tribunal aplika medida aprezentasaun periodika.
Tanba nee, nuudar defeza, nia lakonkorda kuandu tribunal aplika PP ba arguidu CC. I loron 30, nia sei halo rekursu ba Tribunal Rekursu (TR), hodi kontra despaisu PP nee.
Kazu refere fofoun mosu, provokasaun husi lezadu ba CC nia ferik oan no atu baku arguidu. Ida nee mak halo CC nerbozu, lori sasan kroat sona kedas lezadu nia kidan. Oras nee dadaun lezadu sei halo tratamentu iha HNGV Dili. Prosesu julgamentu kazu nee prezide husi Juiz Turnu, Jose Maria, MP reprezenta Prokurador Antonio Tavares, arguidu CC hetan asistensia legal husi Defensor Publiku, Jose Maria Guterres.
(ter)
