DILI, STLTIMORLESTE.com – Atleta Sorinjo Kempo, boxin, Taekwondo sai ezemplar ba jerasaun Timoroan hotu, tanba hahu iha tinan 2011 too 2013 konsege kontribui medahla osan mutin rua (2) ba Estadu Timor Leste (TL).
“Hau durante nee kontribui medalha osan mutin rua (2) ba Estadu TL, liu husi atividade ASEAN GAMES iha Jakarta hahu iha tinan 2011 no 2013, sai eventu primeiru hetan segundu lugar no segundu eventu nafatin hetan segundu lugar,” dehan Altleta husi Sorinjo Kempo, Domingos ba jonalista sira iha salaun CNE, Dili, Sesta (06/11/2024).
Tuir nia, husi meiu sira nee sai ezemplu diak ba Estadu Timor Leste, primeiru tenke konsisten, konfidensial ba aan rasik, disiplina, tenke ho objetivu ida atu luta ba oin ho diak.
Tanba medalha sira neebe durante hetan iha ASEAN GAMES nee sai hanesan ezemplu ida ba atleta foun sira, liu-liu membru Sorinjo Kempo, Boxin no Taekwondo nian atu kontinua luta, hodi hatudu talentu neebe diak iha ema nia nasaun, hodi kontribui ba Timor Leste.
Iha sorin seluk, atleta husi Taekwondo, Izidio Cabral hatete, durante nee atleta husi Taekwondo nian hetan osan mean, mutin no metan lubuk, hodi kontribui ba Estadu Timor Leste liu husi ASEAN GAMES, hodi lori Timoroan nia naran ba tuir eventu ASEAN nian, konsege hetan medalha sira.
Tanba medalha sira nee ho objetivu ida atu hatudu ba mundu no nasaun sira seluk, katak TL mos iha atleta sira neebe ho espiritu enerjetiku diak atu halo kompetisaun iha ASEAN, entaun nee hanesan responsabilidade ida neebe presiza duni atu dezenvolve arte Taekwondo, Boxin, Sorinjo Kempo, Karate no sira seluk, hodi moderna atividade desportu ba atleta ho diak.
Entretantu Prezidente CDTL, Macário Sanches dehan, atleta sira iha Timor Leste neebe durante nee fo sira nia kontribuisaun medalha mai Timor Leste, nunee ohin rekonhese ba sira, tanba hahu iha tinan 2009 too 2013, balun seidauk fo rekonhesimentu, ohin Governu liu husi CDTL kontinua fo apresisaun ba sira.
Tanba nee parte CDTL sei esforsu nafatin hodi organiniza atleta Timoroan sira, hodi kontinu fo formasaun ba sira, nunee sira bele dezenvolve diak iha area desportu, tanba nee esforsu sira neebe Governu presiza halo mak atu dezenvolve diak ba area desportu iha Timor Leste ho efisiente ba ema hotu.
(EST 1)
